盛八食堂 (Closed)

未到餐廳先見等待嘅人，我都即刻攞飛先。原來以為要等好耐，點知等左10分鐘就有位嘞。舖內以彩色繽紛嘅塗鴉裝飾，柔和燈光襯，氣氛輕鬆。仲有小量卡位同梳化位，適合幾個人用餐。點左一個蛋白牛肉蛋包飯，蛋白嫩滑，牛肉份量頗多，汁底濃郁香口，配以茄汁飯嘅酸甜清新，互相補足我地仲點左三文魚水煮蛋多士。對於我呢個芝士迷嚟講，呢味菜真係正，就算等15分鐘都值得。水煮蛋蛋黃汁充沛，面頭仲有一層溶溶地嘅芝士，下層脆脆多士，多重口感，大滿足。仲有兩件薯餅，一杯焗豆同沙律，份量十足。食完之後，原本想坐多陣，不過見外面有人等，都唔好意思坐，盛惠$217。