Video
Read full review
2021-07-20
26 views
好想嚟呢一間餐廳打卡好耐！今日落完少少雨，天氣微涼，最啱坐室外位置！👍🏻Thai larb lettuce wrap 用上新鮮豬肉製成，炒得相當惹味而且較一般生菜包濕，洋蔥片炒到半生熟所以保持到十分爽口，夾上新鮮又爽脆既生菜真心好食(小心會漏汁添喔！）👍🏻Basil chicken spaghetti把泰式融入落意粉呢個構思幾創新，餐廳特別加咗魚露同九層搭去炒，仲炒得相當乾身，裏面加入左唔少嘅雞條肉，食落微辣。👍🏻串燒和牛係一口size，牛味香濃肉質夠淋，不過略嫌都係有少少筋位；酸豬肉腸好少地方有得食，夾雜着少少肥豬肉，酸度其實唔濃，小編覺得幾特別，食落亦非常可口美味，皮脆肉實；燒菠蘿燒過後都好juicy ，亦都揮發出一陣菠蘿香；燒翠玉瓜非常正，餐廳已經搽咗一層燒烤醬喺上面，值得一讚嘅係餐廳醬料係自家製嘅，亦另上左沙嗲汁。👍🏻蝦多士脹卜卜嘅三角形，上面灑上好多芝麻，香氣撲鼻，裏面藏有好多爽甜既蝦膠，配上泰式辣醬更有風味！👍🏻椰青超大個椰青， 仲貼上咗餐廳個名，飲落鮮甜冰凍，用黎解辣解膩係不二之選，仲可以挖椰肉當飯後果食添。👍🏻Mai Tai特色雞尾酒，泰國冧酒做底，加咗橙汁、菠蘿汁、青
👍🏻Thai larb lettuce wrap
用上新鮮豬肉製成，炒得相當惹味而且較一般生菜包濕，洋蔥片炒到半生熟所以保持到十分爽口，夾上新鮮又爽脆既生菜真心好食(小心會漏汁添喔！）
👍🏻Basil chicken spaghetti
把泰式融入落意粉呢個構思幾創新，餐廳特別加咗魚露同九層搭去炒，仲炒得相當乾身，裏面加入左唔少嘅雞條肉，食落微辣。
👍🏻串燒
和牛係一口size，牛味香濃肉質夠淋，不過略嫌都係有少少筋位；酸豬肉腸好少地方有得食，夾雜着少少肥豬肉，酸度其實唔濃，小編覺得幾特別，食落亦非常可口美味，皮脆肉實；燒菠蘿燒過後都好juicy ，亦都揮發出一陣菠蘿香；燒翠玉瓜非常正，餐廳已經搽咗一層燒烤醬喺上面，值得一讚嘅係餐廳醬料係自家製嘅，亦另上左沙嗲汁。
👍🏻蝦多士
脹卜卜嘅三角形，上面灑上好多芝麻，香氣撲鼻，裏面藏有好多爽甜既蝦膠，配上泰式辣醬更有風味！
👍🏻椰青
超大個椰青， 仲貼上咗餐廳個名，飲落鮮甜冰凍，用黎解辣解膩係不二之選，仲可以挖椰肉當飯後果食添。
👍🏻Mai Tai
特色雞尾酒，泰國冧酒做底，加咗橙汁、菠蘿汁、青檸汁，所以入口好甜亦保留左夠濃烈既酒味。飲品上台嘅時候，見到漸層效果亦好分明，服務員提供兩個飲法：第一種可以由頂慢慢飲到落底，先嚐咗冧酒再慢慢品嚐果汁，其二可以撈勻！
👍🏻👍🏻餐廳廚房係開放式設計，不過油煙味唔重。
👍🏻👍🏻成個環境好似秘境咁，特別門口位嗰幅彩繪玻璃窗
Post
