新星海鮮酒家 (Closed)

好耐無去過酒樓食飯，為慶祝家姐生左個B，世伯請食飯。叫左幾個餸，食唔哂仲要打包。首先叫左個雞煲翅，侍應係旁邊服務台幫我地熱住個湯，再示意幫我地分，光明正大無呃秤，個雞煮完之後分上左。首先個湯好足料好香好好味味，四個人飲一人一碗完仲有得添多少少，都幾抵。個雞入哂味，d 肉林哂又無乜骨，好易咬，very good 。之後黎個重口味既蔥爆魚雲煲，一放落枱就聞到好香，魚雲炸完再用香蔥爆香，好惹味。所以叫左d白飯，送飯一流。再叫左個豬膶芡菜煲，我就唔食內臟既，只係食菜。個湯煮出黎個味都幾好，不過菜煮到林哂，少左d口感，但都算ok。終於到左唔係煲既菜式，上湯龍蝦伊麵。真係好耐無食過龍蝦伊麵。佢有得簡上湯定芝士，老人家佢地怕heavy叫左上湯，但上湯原來都有mix d cheese ，所以都好夠味。龍蝦幾大隻，有肉地，伊麵都幾唔錯。侍應service好好，keep 住係附近留意有冇野要幫手，又make sure 我地清哂個翅哈哈。幫我地換碟收野都好快手啊，幾好態度。雖然我無食白飯，但都幫唔到手清碟。最後打包左最heavy既龍蝦伊麵同幾舊雞走。我見好多人黎打邊爐，好似幾好食。等我下次搵機會試下先。