來多碗車仔麵 (路德圍) (Closed)

行開荃灣見到有間新開嘅車仔麵店，外觀光鮮企理乾淨，店面座位係茶餐廳嘅格局。入到去首先嗌餸，同廚房講要咩湯底、面底同餸，直接嗌直接整再付款，所以好快有得食。佢呢度嘅特色係湯底好多選擇，口味任由自己配搭，您可以睇下邊啲餸吸引再揀😊而且呢間嘅車仔麵餸菜，例如：魷魚、牛雜都係一般車仔麵店無嘅我女友就揀咗鹵水汁、米粉做面底，豆卜、牛丸、菜肉餃子、腸仔同午餐肉。豆卜同米粉吸曬鹵水汁啲味，牛丸爽口彈牙，午餐肉切片剛剛好，唔會煮到粉同散。菜肉餃子係手工包，餡料好新鮮無味精。而我因為太肚餓嘅關係呢我就嗌左七個餸，而粉麵底係手工烏冬。手工烏冬係粗麵嘅關係所以需要煮多分半鐘度。呢度嘅辣汁做得好出色，鍾意食辣嘅朋友可以試下😉搭米粉同河粉應該會更加好食😆牛雜同蘿蔔更加吸晒索晒啲汁，咬落去啲汁出晒嚟，好似食緊好好食嘅金錢肚咁，真係好好食。蘿蔔好甜唔會切嘅大小同軟硬度剛好，男女老少都唔難咬好易食到。啲牛腩肉都唔錯，柔嫩爽滑可口。啲丸爽口彈牙，無乜根。