Dan Ryan's Chicago Grill (又一城)

Open Now

Now Closed

食材已經唔掂，加埋超級不知所謂嘅服務態度，真心唔明點解佢仲可以繼續做落去，收咁嘅價錢，全程淨係見到啲樓面不停斟水，我心諗呢間餐廳請啲職員淨係負責斟水？期間見到我張枱成枱都係餐碟，都冇表示係咪要清理，埋單嗰時話俾佢聽俾Apple Pay，埋到嚟張單就咁直接放枱，一直冇眼神接觸，亦都冇講價錢冇任何表示，Apple Pay部機就咁放喺枱，冇任何表示，仲要係呢個時間同其他同事傾偈，完全係無視嗰種感覺，之後要我問佢係咪可以拍卡啊，佢先至話係，我跟住問佢點解唔出聲，佢反而話佢已經擺低咗部機等我拍卡，我未試過喺出邊餐廳食完嘢，用Apple Pay部機埋單個職員就咁放低部機就算數，基本禮貌一啲都冇，最後仲要好冇禮貌咁掹咗張單就咁抌低，連一句多謝都冇就走咗去，兩個人食咗千三蚊埋單，仲要搞到一肚氣，除非你係佢fans，如果唔係唔建議去，我就一定唔會再去。