八番屋 (Closed)

我對食好有要求，唔好食就唔會食，好食既就連個碗我都要舔埋。今次去左呢間日式餐廳，估唔到咁好食，食完有一種想上天既感覺，特別係佢既串燒，咬落去有好豐滿既肉汁，呢種質素，同我去6星級酒店食串燒一樣，證明佢地既師傅一定係日本串燒高手。拉麵個湯就比較特別，唔識飲既人應該會以為係合味道杯麵既湯，識飲就會飲到佢地入面除左豬骨之外，竟然仲有多達30幾種配料，以豬骨味濃到一個極點，應該起碼煲過72小時，可惜果日店長放假，唔係一定要同佢詳談。題外話，佢地有個漏洞，有個外賣優惠，我買左之後改堂食，佢地竟然吹我唔脹，咁就比我賺左十幾20蚊，爽。