麵鮮醬油房周月 (歌賦街)

Open Now

Now Closed

兩年前食過周月之後，平均每月都會番頭再食，因為佢無論麵條定係湯嘅調味都做得十分唔錯，尤其佢微微帶酸嘅沾麵湯相比其他沾麵店較為特別，令嗰碗好油嘅湯汁食落無咁濟。中環嘅周月坐落山腳附近，每次由公司行上黎都要經過一條又斜又窄嘅斜路，但條路咁難行都唔會阻到我食麵嘅決心一如既往lunch hour都係要等十至二十分鐘位 ，但係值得架！周月嘅麵條係用日本麵粉自製的，我本身鐘意食好硬嘅幼麵，周月嘅麵雖然粗，但口感Q彈，令我唔抗拒。而且堂食有得揀300g，食完番去夜晚都仲覺得飽。我每次都order佢嘅周月沾麵，因為湯汁真係好香味道又夠特別。