榕記火焰雞煲私房菜 (Moved) New Location

一直好想試呢間私房菜，今日慶祝中秋就同屋企人黎試試佢個火焰雞煲🔥 只接受預早訂座入座已見到每枱擺好一個鑊，盛載所有材料同海鮮🦞 店員即場開火烹調，烹調時沒有加水，而是用了一整枝雙蒸酒，用酒燜熟所有食材，當然酒精已完全揮發掉，只剩酒的清香，做法好特別。 而且所有食材都好新鮮，一開始煮啲蝦仲喺度掙扎😯本身雞煲除了雞之外有蝦、鑽石蚌、牛肉、木耳、蟲草花、馬蹄、竹蔗，當日還送了一碟生菜。除了這些配料以外，餐廳會按客人喜好去街市買新鮮的食材，我另外加了蟹、肥牛、娃娃菜😋 總括而言，的確好食，雖然食完有點口乾🤔 但也是不錯的私房菜體驗👌