hoo韓國包車

Open Now

Now Closed

一向都bookmark咗呢間餐廳一段時間，因為我好鍾意食韓式炸雞，又見到呢間咁多好評，今日終於可以試吓啦~ 一上到去我哋都覺得好出乎意料，因為我哋以為樓上舖都唔會太多人等，點知我哋7:45pm上到去就店員話要8:15pm之後先有位，叫我地半個鐘之後先返返去，可能因為星期六日所以咁多人，建議如果週末嚟食記得訂位，如果唔係就要好似我哋咁，流浪半個鐘先有得食~ 好彩最後8:15pm都成功入座，等咗咁耐自然對食物質素好有期望，好彩都冇令我哋失望除咗炸雞好食之外，炒章魚都令我印象都幾深刻，因為個醬汁真係同我喺韓國食嘅味道一模一樣，炒得好香，會一啖又一啖食，完全停唔到口餐廳裝修都好得意好多舊嘅玩具，仲要咁啱我哋隔籬枱就係一對韓國情侶，一路食住韓國嘢，一路聽住隔籬有人用韓文傾偈，真係好有去咗旅行嘅感覺，好想即刻飛返轉首爾呀!