香辣車仔麵

Open Now

Now Closed

終於都放假啦，返咗咁多日工，終於都可以比一日自己好好咁休息一下！梗係要出去銅鑼灣行吓街，搵嘢食啦！難得出到銅鑼灣，朋友竟然介紹我去食車仔麵，本身覺得麻麻地，但係佢講到話好好食咁！所以就走咗入去試吓呢間香辣車仔麵！！果然係非常好嘅介紹，我哋都好高嘅評價！呢度嘅豬皮好好食，呢個咖喱豬皮非常入味，係好香濃嘅咖喱味道，而且加埋呢個豬皮非常爽口彈牙！一啲都唔會鬆軟嘅感覺！係好食嘅豬皮！而且我都好鍾意呢度嘅八爪魚，呢個八爪魚都係好爽口！而且湯底嘅味道完全入晒八爪魚入面，所以令到成個八爪魚都好好食！