Video
Read full review
2011-10-19
24 views
朋友請食生日飯，叫我選地點，第一時間就想到試碗屋，因為聽聞碗屋啲放題好正，不過中環頗遠，又難訂位，所以一直都未去試過，這日既然人齊，就即刻訂位去試下；因為只是早一日訂，已滿座，排waiting list，當日覆我話有位，不過係鐵板燒枱，無所謂啦，可以望住師傅煮嘢都幾好呀這日閒日，有三款放題供應：特上刺身壽司,串燒放題；純和風火鍋放題；鐵板燒放題；因為我們有三個人，所以可以試晒三樣坐低後，侍應說是日每人會送一客鮑魚或牡丹蝦加象拔蚌刺身或焗海螺，我們選了鮑魚和牡丹蝦象拔蚌刺身；個鮑魚都唔細隻㗎，牡丹蝦同象拔蚌亦新鮮，第一道菜已覺滿足之後侍應拿主意替我們叫了個刺身拼盤，每樣一兩件試下，拼盤有三文魚,吞拿魚,油甘魚,劍魚腩,帶子,甜蝦,墨魚,魷魚,赤貝，樣樣都好新鮮好厚切，之後我們encore了帶子,甜蝦和赤貝，因為最回本手卷因為太飽肚，所以我們只試了海膽手卷同鮑魚仔手卷，個手卷細細卷，啱啱好，海膽好新鮮好甜，無腥味，有啲喜出望外；鮑魚仔就差啲喇，無鮑魚味，建議大家留肚吃海膽手卷吃完刺身後，便開始叫鐵板燒食物，由於肚皮位置有限，我們這日精選叫了大蝦,帶子,厚燒牛肉,銀鱈魚，大蝦同帶子都好大隻，
這日閒日，有三款放題供應：特上刺身壽司,串燒放題；純和風火鍋放題；鐵板燒放題；因為我們有三個人，所以可以試晒三樣
坐低後，侍應說是日每人會送一客鮑魚或牡丹蝦加象拔蚌刺身或焗海螺，我們選了鮑魚和牡丹蝦象拔蚌刺身；個鮑魚都唔細隻㗎，牡丹蝦同象拔蚌亦新鮮，第一道菜已覺滿足
之後侍應拿主意替我們叫了個刺身拼盤，每樣一兩件試下，拼盤有三文魚,吞拿魚,油甘魚,劍魚腩,帶子,甜蝦,墨魚,魷魚,赤貝，樣樣都好新鮮好厚切，之後我們encore了帶子,甜蝦和赤貝，因為最回本
手卷因為太飽肚，所以我們只試了海膽手卷同鮑魚仔手卷，個手卷細細卷，啱啱好，海膽好新鮮好甜，無腥味，有啲喜出望外；鮑魚仔就差啲喇，無鮑魚味，建議大家留肚吃海膽手卷
吃完刺身後，便開始叫鐵板燒食物，由於肚皮位置有限，我們這日精選叫了大蝦,帶子,厚燒牛肉,銀鱈魚，大蝦同帶子都好大隻，由於我哋坐鐵板燒枱，睇住師傅攞出嚟燒，特別原汁原味，大蝦燒得啱啱好，好彈牙，帶子亦好正，不過略為熟咗啲；厚燒牛肉約七成熟，味道略淡，當我們吃完後，侍應忽然送上一碟鐵板燒醬汁，原來漏了；銀鱈魚就普普通通啦！
之後轉戰串燒，為了每樣試下，我們每款都只係一串起兩串止，包括有雞軟骨,雞翼,牛舌,羊扒,雞腎,青椒仔,焗蠔,金菇牛肉卷,粟米,鰻魚,茄子等，每款食品也屬中上水準，唯一較差的是牛舌，唔知點解好淋，唔係平時食開好爽個隻，粟米亦唔夠甜；推介雞軟骨,雞翼同雞腎
由於我們坐鐵板燒枱，火鍋放題不能安排，只可以落柯打叫廚房幫我們煮一鍋，由於已好飽，亦沒有所謂，我們都只是叫些菜濕下口，其實沒有位的話，不試亦無妨
最後，朋友想試炒飯同炒雜菜，以為無咩特別，又有啲驚喜喎，個飯炒得好香，雜菜亦唔馬虎，估唔到放題都可以有咁嘅水準Post
