Video
Read full review
2013-06-16
910 views
本來係食過返尋味, 喺五月尾同朋友食過生蠔覺得唔錯, 啲蠔唔腥兼有少少鮮甜, 正價二百零蚊可以食到生蠔, 真係算超值. 於是上星期六約埋屋企人一行八人再試, 點知全部中哂招. 果日冷氣明顯唔夠, 我哋第一次點嘅生蠔係浸哂喺冰水入面, 因為啲冰溶咗, 而啲冰又無保鮮紙隔住, 所以啲生蠔全部變哂落水蠔, 賣相已經唔好. 但心諗, 喺酒店果啲即開生蠔, 都係開完用水沖, 都係水滴滴, 應該唔怕, 加上第一次食咗無乜事; 雖然都有疴, 但係無肚痛, 以為係自己腸胃問題, 結果我帶頭照食. 我哋一行八人, 前後點咗大概五十至八十隻生蠔, 因為每次都嚟唔足數, 所以計唔到.結果返屋企全部中哂招, 個個都疴, 有四個除咗疴仲發燒發冷, 懷疑係食物中毒, 搞到返唔到工. 但因為我哋分別住喺唔同嘅地方, 到今日傾開再去邊度食嘢, 講起至知咁大鑊. 於是我立即打電話搵餐廳經理, 想將問題反映, 希望佢哋留意改善. 點知職員話經理放假, 叫我改天再打去, 為免再有人中招, 於是電郵向食環署反映事件, 並寫呢個食評, 希望各位可以留意吓.本來呢間嘢都食過幾次, 坐位好舒服, 空間好大. 雖然食物種類唔多, 但
果日冷氣明顯唔夠, 我哋第一次點嘅生蠔係浸哂喺冰水入面, 因為啲冰溶咗, 而啲冰又無保鮮紙隔住, 所以啲生蠔全部變哂落水蠔, 賣相已經唔好. 但心諗, 喺酒店果啲即開生蠔, 都係開完用水沖, 都係水滴滴, 應該唔怕, 加上第一次食咗無乜事; 雖然都有疴, 但係無肚痛, 以為係自己腸胃問題, 結果我帶頭照食. 我哋一行八人, 前後點咗大概五十至八十隻生蠔, 因為每次都嚟唔足數, 所以計唔到.
結果返屋企全部中哂招, 個個都疴, 有四個除咗疴仲發燒發冷, 懷疑係食物中毒, 搞到返唔到工. 但因為我哋分別住喺唔同嘅地方, 到今日傾開再去邊度食嘢, 講起至知咁大鑊. 於是我立即打電話搵餐廳經理, 想將問題反映, 希望佢哋留意改善. 點知職員話經理放假, 叫我改天再打去, 為免再有人中招, 於是電郵向食環署反映事件, 並寫呢個食評, 希望各位可以留意吓.
本來呢間嘢都食過幾次, 坐位好舒服, 空間好大. 雖然食物種類唔多, 但有我哋最鐘意嘅魚生同燒物, 已經值回票價, 加上待應都好有禮貌, 出嘢又快, 唔使一個鐘就已經食飽哂, 通常最後order都唔會再點嘢. 加上我哋一般都係八點後至入座, 完咗兩個鐘無客等, 待應都唔會趕我哋走, 我哋可以慢慢傾吓偈, 消化吓. 期間仲可以繼續攞飲品同甜品, 真係幾盞. 但係今次嘅經歷, 就將以前所有credit一Q清袋, 我諗我哋下次都唔會再去.
Other Info. :
假如冷氣足夠啲, 冰上加保鮮紙隔住, 就可以減少食物接觸生雪所引起嘅污染問題.
(The above review is the personal opinion of a user which does not represent OpenRice's point of view.)
Post