759雲吞麵 (Closed)

一向都鍾意去759阿信屋掃零食，又平又多選擇係主要原因。所以一知道有759雲呑麵已經不斷約朋友去試。呢度繼承759零食平靚正既selling point，一碗單併$30，可以揀返759粉麵 - 烏冬，米粉同芝士辣麵。叫左碗牛腩芝士辣麵用返阿信屋有得賣既芝士麵，自己平時係同屋企都好鍾意整，但唔知點解餐廳好似好食啲咁，都幾濃芝士味，但亦都偏咸，食完好渴。牛腩都唔算少，而且肥肉唔多，亦都無咩筋，切出黎既大細啱啱好，食落去啖啖肉，值得一讚。因為碗麵略嫌有啲咸，所以叫左杯凍奶茶少冰。都幾大杯，可惜奶味過重，連極愛乳類製品既我都頂唔順。飲完喉嚨感覺唔太良好，而且偏甜，唔單止解唔到渴，反而好想搵杯水清一清。所以凍杯茶只飲了兩口就放棄左。