Video
Read full review
2010-10-12
9 views
openrice突然又有新功能，嗯... 我呢d唔鍾意改變既人睇黎都要慢慢習慣下。是晚約左羊小姐食飯繼續討論我地既台南之旅，一如以往，都係講八掛無聊事居多。係尖沙咀想搵個好D可以慢慢坐既地方，就同佢黎左呢度啦。睇黎呢度都真係唔係好多人知，成晚所見都係小貓數隻，所以我地都可以慢慢坐慢慢傾計好舒服。呢度環境好居家，勁多擺設，店員安排左我地坐張 4 人檯，見佢有D梳化位好似幾舒服咁。店員都好有禮會解釋好多野，而且成日添水好有笑容同禮貌呀。食物飲品甜品選擇都幾多，SET Dinner 係頭盤 + 湯 + main course + 飲品/甜品，朋友叫左set dinner，而我就選擇左散叫，因為set無我想食既main course。呢度既食物都幾好，先講朋友既頭盤係parma ham with pear，無食過parma ham，不過試左件梨超香甜，唔知會唔會又搶左d parma ham味道呢？另外佢有個醬汁甜甜地，都係似一d berry既味道，都幾好味的。另外朋友餐湯選擇左黑松露忌廉湯，又係用個透明樽盛載住，我試左一啖味道幾濃，幾香truffle味，飲落口感唔會太creamy，個人覺得幾
openrice突然又有新功能，嗯... 我呢d唔鍾意改變既人睇黎都要慢慢習慣下。
是晚約左羊小姐食飯繼續討論我地既台南之旅，一如以往，都係講八掛無聊事居多。係尖沙咀想搵個好D可以慢慢坐既地方，就同佢黎左呢度啦。睇黎呢度都真係唔係好多人知，成晚所見都係小貓數隻，所以我地都可以慢慢坐慢慢傾計好舒服。
呢度環境好居家，勁多擺設，店員安排左我地坐張 4 人檯，見佢有D梳化位好似幾舒服咁。店員都好有禮會解釋好多野，而且成日添水好有笑容同禮貌呀。食物飲品甜品選擇都幾多，SET Dinner 係頭盤 + 湯 + main course + 飲品/甜品，朋友叫左set dinner，而我就選擇左散叫，因為set無我想食既main course。
呢度既食物都幾好，先講朋友既頭盤係parma ham with pear，無食過parma ham，不過試左件梨超香甜，唔知會唔會又搶左d parma ham味道呢？另外佢有個醬汁甜甜地，都係似一d berry既味道，都幾好味的。另外朋友餐湯選擇左黑松露忌廉湯，又係用個透明樽盛載住，我試左一啖味道幾濃，幾香truffle味，飲落口感唔會太creamy，個人覺得幾啱心水，唔會太膩。
之後就係我自己散叫既蟹肉沙律，一樣係用透明器皿盛載著，呢個蟹肉沙律一d都無偷工減料，超多蟹肉而且幾鮮味，鍾意佢酸酸地有少少似千島醬既醬汁加埋rocket salad，味道清新又開胃，唔錯喎~
我既主菜就揀左香蒜辣椒白酒蜆肉意粉，不過我就要求佢走辣椒。黎到賣相唔錯，有好多紅椒黃椒粒但一d都唔會辣，而且味道幾鮮喎~ 不過食落就無咩白酒味，而且我覺得好鹹呀~~~ 係咪落得太多蒜鹽呀？？？蜆肉唔算大隻但都ok鮮味，起碼唔會俾d鹹味搶哂，意粉煮得ok，口感係偏硬不過食落唔係太彈牙~ 總括唔難食但真係太鹹啦!!! ><
朋友既主菜要左煎三文魚扒，份量都幾大件架。我切左小小試過，覺得食落幾肥美，味道都唔差，加埋D忌廉汁幾好食喎~
朋友食完仲心思思食甜品，是日既我已經夠哂數，所以只係叫左一個甜品佢食咋。甜品櫃都幾多選擇幾吸引，最後朋友揀左tiramisu，又係用個透明既器皿裝住，而且仲有木匙羹添，最鍾意呢D自然感覺既野。Tiramisu我又痴左一啖食，食落覺得咖啡味超濃，不過反而無咩酒味呀~ 濕潤度都唔差不過始終無咩酒味就係爭dd。
食完我地仲慢慢坐慢慢傾坐左勁耐，走既時候仲可以去隔離D舖頭行下添。呢度環境唔錯，食物都ok，佢係戲院出面應該都係俾d人睇戲前後黎食的，有興趣的話，可以一試。雖然到最後我都唔係好明呢個店名既意思..... =)
Post
