魚味市場居酒屋 (Closed)

最近經常同朋友黎堅尼地城做運動，成日經過呢間新開小店叫「魚味市場居酒屋」俾佢menu吸引眼球已經好想試咁啱朋友就嚟生日今次終於鼓起勇氣入去試一試先，對自己好d首先我地叫左刺身沙律$120，份量都幾多而且魚生非常足料又夠新鮮👍讚！之後師傅介紹我地食原條日本池魚刺身$160，朋友就要食吞拿魚。師傅話條魚剛剛落機仲暈緊機浪🌊果然師傅冇介紹錯👍池魚夠肥美又大條。如果呢條係銅鑼灣區食起碼要收你$250！我地仲點左手握壽司10件，每件壽司都配上唔同配料，每食一件都感受到師傅好用心制作👍店員禮貌地介紹我地會燒玉子同牛舌串，兩樣都是我最愛😁今晚實在太滿足下次再試試其他食物先！