龍鳳號 (Under Renovation)

朋友想食台野，send左好多間出黎，最後揀左呢間。其實台灣餐廳係香港唔算多，但品到真台灣風味既好少，呢間係其中一間。😍佢menu都好豐富，乜都有咁濟，我地三條友，叫左2個主食，N個小食，同一個甜品share魯肉飯同肉燥飯我地揀左前者，因為查左肉燥飯係好碎既啲肉，而魯肉大粒啲，我地都想有咬口啲而麵就配肉燥喇，我地大家都未食過板條，試過佢個口感好似實少少既蒟蒻咁，都幾得意，個人覺得魯肉飯好味啲。而鹽酥茹就炸得好酥，同埋啲胡椒粉好香口，不過可能因為菇類既關係，都吸左啲油，不過整體黎講唔算好油既估唔到呢間竟然有蕃薯葉，加左啲滷肉碎，都幾唔錯，台灣腸真係好正宗，比好多生蒜🤤滿滿台灣風味get碗仙草凍好Q軟，整體唔太甜，幾好味。整返杯熱既桂圓紅棗茶，唔會好甜，另外兩個朋友點幾其他野，聽講甜到飛起。整體都好滿意，會想再返黎食。