牛牛台式鴛鴦火鍋

Open Now

Now Closed

之前睇過網人寫呢間，我地5點半上到去，已有4枱食緊，人唔多，但都有2位既卡位，坐低咗，店員都好友善講解。 上食物同收走碟都好快，佢地仲會久唔久收放骨袋，等你食得舒服，呢d先叫效率，你唔會見到好似其他店既店員走埋一堆傾計，即使員工係我附近食飯，都唔係大聲講，呢個值得讚。 出面既自助食物種類都多，可能雪櫃夠凍，一些食物例豬潤同肉類，會有巢皮既情況，可能加多少少水或用蓋一下會好d. 炸魚皮就應該唔該放係生既食物旁，仲要用生食物夾黎夾，幾脆都唔敢就咗放入口。甜品我就覺得一般，但種類多我會加返分比佢。雪糕同糯米糍存貨充裕，又夠凍，再加分。