Video
Read full review
2011-05-23
12 views
二姐夫伉儷請我老公吃預祝生日飯,看到飲食男女有晚市六點前入座的8折coupon,即時上來Open Rice看看食評,讚的比劣的多,可以去馬,即時打去訂檯,今晚五點九,順便多口問一聲,有人在這星期內生日的,是否來得及送旦糕,接線的姐姐話,可以呀. 到達後,報上名來,我話4大1小,小的可以去量高度 (140cm以下,小童收費,$98位,成人$168位,星期五,六及公眾假期+$10.) 佢哋望都唔望我個女,便好客氣的話唔駛了. 這兒食物選擇真的好多,我們也點了好多來試.刺身類 : 三文魚+生蝦+立魚+北寄貝+馬刀貝刺身都好好食. 但....吞拿魚唔得,好像雪到死哂,再拿出來溶過雪似的,肉質好"梅",而且,有筋,即時吐番出來. 炸蝦天婦羅-->>第一轉,個粉漿唔夠脆,有少少淋,蕃薯天婦羅OK~ 第二轉叫既炸蝦天婦羅,剛炸起的,同之前果轉差天共地, 呢轉既粉漿好脆,我比90分,所扣既10分是因為第一轉及第二轉既水準不穩定既.燒冬菇-
Open Rice看看食評,讚的比劣的多,可以去馬,即時打去訂檯,今晚五點九,順便多口問一聲,
有人在這星期內生日的,是否來得及送旦糕,接線的姐姐話,可以呀.
到達後,報上名來,我話4大1小,小的可以去量高度 (140cm以下,小童收費,$98位,成人$168位,
星期五,六及公眾假期+$10.) 佢哋望都唔望我個女,便好客氣的話唔駛了.
這兒食物選擇真的好多,我們也點了好多來試.
刺身類 : 三文魚+生蝦+立魚+北寄貝+馬刀貝刺身都好好食.
但....吞拿魚唔得,好像雪到死哂,再拿出來溶過雪似的,肉質好"梅",而且,有筋,即時吐番出來.
炸蝦天婦羅-->>第一轉,個粉漿唔夠脆,有少少淋,蕃薯天婦羅OK~
第二轉叫既炸蝦天婦羅,剛炸起的,同之前果轉差天共地,
呢轉既粉漿好脆,我比90分,所扣既10分是因為第一轉及第二轉既水準不穩定既.
燒冬菇--->>好香,好好味
燒雞翼--->>好正,燒既火候,拿得剛剛好,味道都唔錯~
豬頸肉--->>我好怕食既,所以,我都沒試~
壽司類 --->>> 赤貝好爽口,帶子肉厚(但..不清甜),三文魚肉厚(但..沒鮮味),
鰻魚壽司,個汁好味,只是嚿飯,太大嚿.但是....我們當然不可以用高級日本料理
的食物水準來評分囉,畢竟,我們只是付出百多元,以這個價錢,店主給與這個水準,
已是超值的,做人公平一些好.
金菇肥牛--->>,我冇試,唔知乜味的.
串燒牛--->>肉質嫩,沒渣,配埋個汁,好食到冇朋友~~
各式卷物--->>後悔得要C的唔係唔好食,而係,成肚飯~~
串燒雞軟骨&小丸子--->>我都沒試,但..囡囡及我家人都話好食.
水煮牛--->>>雖然只得幾片,但...牛肉沒用鬆肉粉嗱過的,所以,唔夠滑,但...正因為它
沒下鬆肉粉,這是我欣賞之處,個水煮"汁"不算太辣,但...當我
不小心咬到入面既花椒時,辣味便慢慢滲出來,如果店主把那些
花椒打碎來煮的話,相信不會咁嘥料.
越式庶蝦-->>>感覺上...與我在凍肉店買回家的差不多,不過不失
燒車里茄--->>超難吃的唔係粒茄唔好食,而係個汁有問題,
他們用了好像泰式燒雞汁來淋上串茄度,味道唔係好夾,放入口,即時吐出來.
意大利芝士杯--->>>好味,但....唔夠凍
藍莓芝士餅+香橙芝士餅--->>>芝士味好濃,甜度適中,好正,
要不是我已經好飽,一定唔會食....1件..咁少.
注意: (餅櫃的甜品,沒在order紙上的,行出去跟侍應拿,便可以了~)
黑森林(生日)旦糕-->>因為夠四位,所以,有旦糕送(而且味道唔錯的呢),最奇怪的係....
她們奉上旦糕果陣,沒問我老公拿身份證看的??
總括而言 : 這間食肆,我試到的只有兩款食物唔得既,吞拿魚刺身及
燒車里茄,當我下次來果陣,可以不叫,其它食物都好好食,而且,選擇好多,
來一次,根本試不完的,也因如此,這間食肆一定有下次~
我們個個都捧著極之滿足的肚腩及胃腩離開~~正~~~
今天是星期日,四大一小,因有8折的關係,埋單$697蚊,
(我都唔知他們點計數的,因為,比我們計的數,仲平了,拉平均數來計算
$697柔4.5(四大一小),每位$154.90而已)
還有旦糕送,超抵食,最重要的係....又好食~ 值得一提的是店員有禮,
上菜又快,漏單只有一次(原本我們叫的越式香茅雞翼,最後也沒上檯,但..也只有這一次而已)
(P.S: 駕駛者,可以把車子停泊在金馬倫里,通利琴行右側的停車場,
星期一至五 08:00-21:00 $25蚊/小時, 星期六,日,公眾假期全日 $27蚊/小時)
Post
