三餐冰室

Open Now

Now Closed

平時行街之餘都會周圍去食嘢，今晚都唔例外去咗漆咸道南呢間三餐冰室開餐餐牌除了多款美食推介外，都有D另類美食提供，先點了蔥油撈麵嘅其中一款煎蛋豬扒蔥油撈麵，加$12可配羅宋湯或是日餐湯及牛油多士，當然要點埋佢啦而且係咁熱天氣一定要飲杯嘢，家陣都有啤酒供應跟餐俾多$28就有得飲Asahi一枝凍冰冰飲落透心涼，之後有厚切香脆嘅牛油多士，再飲啖濃郁又足料嘅羅宋湯等多一陣煎蛋豬扒葱油撈麵終於有得食賣相十足，先食啖撈麵入口蔥油香味又撲鼻夠晒滋味煎豬扒香脆可口沾滿香葱蒜片，肉質嫩滑滿口油香，仲有咁多塊豬排超抵食，再品嚐埋另一款係招牌菜之一鐵板雜扒餐有豬扒、雞扒、火腿、腸仔、煙肉及太陽蛋，連餐湯同飲料，鐵板餐配汁點黑椒汁咁食先惹味食落啖啖肉汁夠晒滿足，一邊繼續品嚐餘下冰室美食。