Munch (Closed)

Munch 解作用力咀嚼，大聲咀嚼，完來唔係浪得虛名，碟碟出品都精心泡製，超乎想像，好滿意 ~ 最初還以為係主打法國菜添，完來只係西餐廳。環境較為光猛，可能氣氛欠棒，枱櫈較大，而且密度底，坐得舒服，只係見二人枱稍遜，較迫 ~ 服務真係殷勤，食得開心 ~牛油，唔好以為咁大兜牛油呀，其實只係面頭約 2 CM 到架乍，起初仲比佢呃左添。餐包，暖笠笠既餐前包，芝麻味好香加埋軟棉棉既麵包同牛油，好好味。蠔湯，好濃郁既蠔味，飲落啖啖都有蠔碎，好香甜美味，但如果溫度可以高反啲就更好啦，個人較喜歡熱騰騰、出晒煙最正。田螺釀磨菇扒，非常濃味既磨菇扒，應該係經烤焗過，口感軟棉，淡淡芝士味，唔會搶去主角磨菇既鮮，剛好。田螺亦煮得夠腍入味，跟整個送配合得非常好。其實食完依個頭盤已飽飽地，份量真大呀。蒜香帶子偏意粉，好香口好香口，蒜香撲鼻。帶子煎到外層香脆、裡面鬆軟，正呀。高水平既偏意粉，炒得剛好，不油不膩，口感係八至九成熟，夠嚥韌彈牙，Good ﹗推介 ﹗茄汁芝士帶子意大利飯，飯質好適合港人口味，唔會太生，口感仍實淨可口。酸甜味適中既茄汁加埋芝士，好味道。芝士露筍意大利飯，同樣口感煮得較熟，適合大眾港人口味。