大快活 (Closed)

其實我經常覺得一個早餐，有包有粉有蛋有野飲，食晒就真係好鬼飽，頂住個胃頂到午餐時間，唔食晒又浪費食物，實在罪過。 係灣仔想搵間茶餐廳食一碗麥皮都唔易，唔係個餐會加個吞拿魚三文治，就係又腸蛋方包，然後多謝三十幾個大洋，又係個句：好飽。 今早咁啱路過大快活，竟然有個廿蚊既輕型早餐，仲只係370卡路里，唔入去食對唔住自己。 以為20蚊份量會少啲，但我覺得有塊多士，一隻熟蛋，麥皮加飲品，我作為一個男仕食完都覺剛好，唔會話頂住個肚，食完都成十二點幾先覺肚餓，直情係時間啱啱好。 值得推介。