豚道樂 (大河道) (Closed)

荃灣成日都係我去搵嘢食嘅好地方，因為周圍都係高質餐廳，等我去explore 下。但係星期日周圍都咁多人，荃灣廣場、荃新天地嗰啲餐廳一定係爆曬棚，見到有間餐廳等要等30幾張飛就放棄左，咁啱我有個朋友我附近有一間又平又正宗既日本拉麵店，見到價錢都唔貴就入咗去啦。每人有張專用既紙去特製自己心水既拉麵，為咗比較佢同其他日式拉麵店，就梗係揀九洲個邊最傳統嘅原味豚骨拉麵啦。我就揀咗博多系曲麵，麵質要特硬，一向鐘情爽口彈牙嘅拉麵🍜。由於本人仍然都好窮嘅關係，都只係揀左經濟之選，冇加$13 試下特上版拉麵。個湯底好濃豬骨味，之前有啲人話食完會口渴，但係我自己親身體驗又冇真係要係咁灌水喎。我俾個湯底都幾高分，連同行既友人們都好贊同😀見到佢地都差唔多飲哂個湯底。不過覺得個叉燒就薄左少少啦，可能之前食得多厚燒日式叉燒，不過唔係厚就好，呢間薄薄地但夠口感，唔係嚼極都嚼唔爛既肉咁。