Video
Read full review
2012-02-12
667 views
適逢立春之後嘅星期日，特別多人到圓玄學院拜太歲，我家亦係其中一份子！排完一輪隊︳又迫完一輪，見有啲肚餓兼想兩老抖抖，所以選擇咗就喺圓玄學院食齋！入到素菜館已人頭湧湧，大多數都係旅行團嘅團餐，要行到好入先有做散客的枱！坐落都搞咗好耐先有人招呼，我諗呢班老伙記都唔係成日要招呼滿場食客，有點混亂！是日正值新春期間，所以都係無得散叫，只有預設的套餐，見反正都坐低咗，貴少少都算啦！四個人叫咗個四寶齋發菜豆腐羹＜＜＜真係加埋都唔知有無兩湯匙豆腐，用料少得可憐！髮菜少到唔落都無分別，味道就只有胡椒粉嘅味！羅漢齋粒 ＜＜＜都比較咸，仲好雜，真係佢有咩就比咩你，但又唔係一般嘅羅漢齋嘅煮法，佢係用豉椒嚟炒，總覺怪怪地！荔蓉魚 ＜＜＜無傳聞咁好食，仲散散地兼削削地無咗應有嘅酥，芋頭嘅味唔太有，好在個酸甜汁都仲OK，但魚邊嘅五枊菜就有啲怪味，可能平時少食，食唔慣！鮮竹件 ＜＜＜係唯一一個覺得好食想加單的一個，外脆內軟，食得出佢係將腐皮搽上味料卷好再炸，真係幾好食，再會去都因為呢個菜！但最離奇嘅係埋單嘅時候，竟然出要兩個價錢！同枱上嘅價錢相差咗兩成！難道圓玄學院都有遊客價？要求查單嘅時候同呢班老伙記
排完一輪隊︳又迫完一輪，見有啲肚餓兼想兩老抖抖，所以選擇咗就喺圓玄學院食齋！
入到素菜館已人頭湧湧，大多數都係旅行團嘅團餐，要行到好入先有做散客的枱！
坐落都搞咗好耐先有人招呼，我諗呢班老伙記都唔係成日要招呼滿場食客，有點混亂！
是日正值新春期間，所以都係無得散叫，只有預設的套餐，見反正都坐低咗，貴少少都算啦！
四個人叫咗個四寶齋
發菜豆腐羹＜＜＜真係加埋都唔知有無兩湯匙豆腐，用料少得可憐！髮菜少到唔落都無分別，味道就只有胡椒粉嘅味！
羅漢齋粒 ＜＜＜都比較咸，仲好雜，真係佢有咩就比咩你，但又唔係一般嘅羅漢齋嘅煮法，佢係用豉椒嚟炒，總覺怪怪地！
荔蓉魚 ＜＜＜無傳聞咁好食，仲散散地兼削削地無咗應有嘅酥，芋頭嘅味唔太有，好在個酸甜汁都仲OK，但魚邊嘅五枊菜就有啲怪味，可能平時少食，食唔慣！
鮮竹件 ＜＜＜係唯一一個覺得好食想加單的一個，外脆內軟，食得出佢係將腐皮搽上味料卷好再炸，真係幾好食，再會去都因為呢個菜！
但最離奇嘅係埋單嘅時候，竟然出要兩個價錢！同枱上嘅價錢相差咗兩成！難道圓玄學院都有遊客價？
要求查單嘅時候同呢班老伙記理論時，佢就話你枱上的價錢係上年的，唔好意思！依價係要收呢個價！
當場火得回應佢一句：咁都得有無搞錯！
此時只見佢哋忙於將附近幾張枱的舊年餐牌收回，就無人再同你解釋，當你儍仔！
之後有位比較有良心的老伙記覺得佢哋放錯餐牌就幫我哋同收銀講，擾攘咗一輪，終於有人同我哋講係佢哋嘅失誤，所以會照落單時枱上所標價錢收費！
所以，如果大家想去食齋，就請揀啲非繁忙兼非特別日子去！
Post