Video
Read full review
2017-09-23
407 views
之前食過佐敦嘅平昌7080，覺得幾好食，今次帶住期待嘅心情嚟到太子試呢間7080一嚟到連menu都未睇，佢哋就捧咗一大堆嘢嚟：有豆腐，魚糕，生菜，蒜頭青椒，豆瓣醬等等魚糕入面有三色椒同洋蔥，甜甜哋幾好食，而且佢係任添嘅，所以我哋都食咗兩碟因為幾肚餓所以先叫咗個炒粉絲，有洋蔥，紅蘿蔔絲，白芝麻同厚切豬腩肉粉絲質感好Q，但又唔會太煙韌咬唔斷，啱啱好熱辣辣食呢個真係好好味，值得推介重頭戲嘅戲肉嚟啦，呀豬媽出場！！！佢首先用唔咸唔淡嘅廣東話問話幫我哋燒好冇，我哋梗係唔會推卻，即刻話好啊唔該哂！佢首先燒嘅係雞肉，全部雞脾肉醃得好好食，甜甜哋好滑呀啲肉沾上豆瓣醬，再加埋蒜片同青椒碎，包埋生菜一齊食真係好夾一啲邪惡咁都冇XD基本上之後全程都係呀豬媽幫我哋燒，見佢周圍走，燒下呢張檯又燒下個張檯咁都幾辛苦架啲雞差唔多燒完嘅時候佢幫我哋落豬腩肉，豬腩肉係厚切嘅，燒到咁上下熟嘅時候就幫我哋剪好，令每一面都可以燒到脆卜卜加埋泡菜同芥末一齊食簡直係味蕾嘅沖擊！呀豬媽好親切咁一路燒，一路用佢啲廣東話同我哋傾計又好似個媽媽咁，同我哋講話食蒜頭同洋蔥對身體好，可以食多啲好鍾意呢個韓國嬸嬸體貼嘅服務呀走嘅時候去對面馬路
一嚟到連menu都未睇，佢哋就捧咗一大堆嘢嚟：有豆腐，魚糕，生菜，蒜頭青椒，豆瓣醬等等
魚糕入面有三色椒同洋蔥，甜甜哋幾好食，而且佢係任添嘅，所以我哋都食咗兩碟
因為幾肚餓所以先叫咗個炒粉絲，有洋蔥，紅蘿蔔絲，白芝麻同厚切豬腩肉
粉絲質感好Q，但又唔會太煙韌咬唔斷，啱啱好熱辣辣食呢個真係好好味，值得推介
重頭戲嘅戲肉嚟啦，呀豬媽出場！！！
佢首先用唔咸唔淡嘅廣東話問話幫我哋燒好冇，我哋梗係唔會推卻，即刻話好啊唔該哂！
佢首先燒嘅係雞肉，全部雞脾肉醃得好好食，甜甜哋好滑呀啲肉
沾上豆瓣醬，再加埋蒜片同青椒碎，包埋生菜一齊食真係好夾
一啲邪惡咁都冇XD
基本上之後全程都係呀豬媽幫我哋燒，見佢周圍走，燒下呢張檯又燒下個張檯咁都幾辛苦架
啲雞差唔多燒完嘅時候佢幫我哋落豬腩肉，豬腩肉係厚切嘅，燒到咁上下熟嘅時候就幫我哋剪好，令每一面都可以燒到脆卜卜
加埋泡菜同芥末一齊食簡直係味蕾嘅沖擊！
呀豬媽好親切咁一路燒，一路用佢啲廣東話同我哋傾計
又好似個媽媽咁，同我哋講話食蒜頭同洋蔥對身體好，可以食多啲
好鍾意呢個韓國嬸嬸體貼嘅服務呀
走嘅時候去對面馬路搭巴士，發現招牌係夜晚好光好靚，我會認住佢下次再嚟架啦
Post
