Video
Read full review
2019-05-24
18 views
試過佢的粥底蒸鍋，真係幾得，海鮮夠曬新鮮，放曬響冰櫃又多款選擇，好啱每樣想試少少的人。任揀任食蒸氣餐係以下食法，價錢亦幾公道。另外仲有一張任點任食的，肉類、蔬菜、丸類都有。飲品除左啤酒汽水，仲有竹蔗茅根精，任飲不另收費。首先選粥底，我地揀左淮山雞粥。由鮮料開始煮， 乾鍋炒幾炒，令米底同雞更加香。然後再加水，加埋一個蒸架，等水滾就可以開始蒸野。海鮮就跟 order 紙每人八選四，其實佢個海鮮 counter 係幾open 的，可以去望吓邊樣精神就楝邊樣。事實係全部都好吸引，真係選擇困難。等水滾期間，整隻乳鴿 （定食一）先啦！真係堅好味，皮脆肉嫩。每人半隻唔夠喉，不過要留肚，之後仲有大把好野。食完乳鴿就到定食二，蜆雖然細細隻，但勝在夠曬鮮甜又冇沙。扇貝，真係好大隻，厚肉肥美，落左蒜蓉同粉絲一齊蒸，全程有專人幫手睇住火候控制時間。蒸到緊緊熟沒有 over, 好好味象拔蚌，亦係新鮮到冇朋友，食到甘甜的味道。手切和牛片係任食 item, 睇見都知係靚料，片片充滿牛香入口即溶，我地 encore 了。除左牛肉片，仲有手切牛肉粒，有牛味有口感。有多款中式糕點可以蒸，似平時飲茶果D，幾香幾好味的，不
任揀任食蒸氣餐係以下食法，價錢亦幾公道。
另外仲有一張任點任食的，肉類、蔬菜、丸類都有。
飲品除左啤酒汽水，仲有竹蔗茅根精，任飲不另收費。
首先選粥底，我地揀左淮山雞粥。由鮮料開始煮， 乾鍋炒幾炒，令米底同雞更加香。然後再加水，加埋一個蒸架，等水滾就可以開始蒸野。
海鮮就跟 order 紙每人八選四，其實佢個海鮮 counter 係幾open 的，可以去望吓邊樣精神就楝邊樣。事實係全部都好吸引，真係選擇困難。
等水滾期間，整隻乳鴿 （定食一）先啦！
真係堅好味，皮脆肉嫩。每人半隻唔夠喉，不過要留肚，之後仲有大把好野。
食完乳鴿就到定食二，蜆雖然細細隻，但勝在夠曬鮮甜又冇沙。
扇貝，真係好大隻，厚肉肥美，落左蒜蓉同粉絲一齊蒸，全程有專人幫手睇住火候控制時間。蒸到緊緊熟沒有 over, 好好味
象拔蚌，亦係新鮮到冇朋友，食到甘甜的味道。
手切和牛片係任食 item, 睇見都知係靚料，片片充滿牛香入口即溶，我地 encore 了。
除左牛肉片，仲有手切牛肉粒，有牛味有口感。
有多款中式糕點可以蒸，似平時飲茶果D，幾香幾好味的，不妨試試。
蒸勝瓜同豬頸肉，係任食的，原來呢兩樣野清蒸後再點豉油都幾好味。特別係豬頸肉，有豬味又夠爽口。
桶蠔，蒸完之後依然很大隻，啖啖肉好好味。
我地仲食左蝦丸、蒸餃、蒸雞同蔬菜，全部任食。
最後再食埋煲成個幾兩個鐘的粥底，認真和味。
鐘意佢全程有阿姐幫手蒸野同計時，服務幾好。
Post
