Video
Read full review
2023-05-09
74 views
真係好滿足，同閨蜜一齊share 食咗個 Veggie All Day Breakfast ，飲左咖啡，soufflé pancake，仲有smoothie ，好少可每一樣嘢都咁有特色，決定要記錄一下。咖啡係我嘅至愛，選定要order 咖啡師特調 coffee ice ball，果然無揀錯。飲落口有明顯果味，問店員cold brew 用咩咖啡豆，佢話係Ethiopia + Papua New Guinea，真係飲到咖啡嘅甜味，等到冰球溶少少就有蜜糖味，最後尾我貪得意整碎波波冰，仲俾我飲出凍檸檬茶風味，設計呢杯特飲嘅 barista 好犀利，做到呢3個風味同層次出嚟，絕對係得意之作！飲緊 cold brew 之際，Veggie All Day Breakfast 嚟到，炒蛋夠熱，白磨菇爽口新鮮，滿滿的一大碟，閨蜜今日要食素，合晒佢心水。跟住上埋抹茶紅豆沙冰，飲2啖上面嗰一層以為冇乜特別，原來唔記得搞幾搞底層嘅紅豆，成個smoothies 唔同晒，好厚身，落足料，令我諗返起去日本Cafe 嘅時光，因為日本人一啲都唔會孤寒，而 HoiHoi 都係咁闊佬。主角終於要出場喇，點左 caramel
真係好滿足，同閨蜜一齊share 食咗個 Veggie All Day Breakfast ，飲左咖啡，soufflé pancake，仲有smoothie ，好少可每一樣嘢都咁有特色，決定要記錄一下。
咖啡係我嘅至愛，選定要order 咖啡師特調 coffee ice ball，果然無揀錯。飲落口有明顯果味，問店員cold brew 用咩咖啡豆，佢話係Ethiopia + Papua New Guinea，真係飲到咖啡嘅甜味，等到冰球溶少少就有蜜糖味，最後尾我貪得意整碎波波冰，仲俾我飲出凍檸檬茶風味，設計呢杯特飲嘅 barista 好犀利，做到呢3個風味同層次出嚟，絕對係得意之作！
飲緊 cold brew 之際，Veggie All Day Breakfast 嚟到，炒蛋夠熱，白磨菇爽口新鮮，滿滿的一大碟，閨蜜今日要食素，合晒佢心水。
跟住上埋抹茶紅豆沙冰，飲2啖上面嗰一層以為冇乜特別，原來唔記得搞幾搞底層嘅紅豆，成個smoothies 唔同晒，好厚身，落足料，令我諗返起去日本Cafe 嘅時光，因為日本人一啲都唔會孤寒，而 HoiHoi 都係咁闊佬。
主角終於要出場喇，點左 caramel banana soufflé pancake，好大碟，pancake 厚身，cream 好香，即時滿足左，bonus 係佢勁多香蕉，又係好闊佬，今時今日份量咁足嘅餐廳真係好難得！
感恩小確幸的出現 💕
Post
