Video
Read full review
2015-02-24
7645 views
天氣凍最好就係約三五知已打邊爐啦。食肆地方一眼見晒，唔算好大，不過每張枱之間唔會好迫，亦有架位。如果四個朋友，最好訂枱時要求留架位，會坐得舒服D。一打開MENU就發現有好多湯底選擇，任何湯底都可以拼成鴛鴦鍋。我揀咗椰子雞拼冬蔭功。未淥食物前先試試湯底。椰子雞湯底係奶白色，味道就好似飲緊椰奶，就咁飲唔係好得，但淥咗食物後又OK喎，同埋有成半隻雞做料。而冬蔭功湯底嗰邊，夠辣夠鮮，海鮮又足料，不論飲同淥食物都好得，推介打邊爐，點可以唔叫牛，食得出唔係平既牛肉，有牛味，有嚼口。日式蔬菜盆，排得好靚呀西洋菜，啱季節，夠新鮮夠嫩，同埋清洗得乾淨。竹笙勁爽口，最值得讚係泡菜餃，餡料夠，皮夠滑，淥完後仍然食得到辣辣既泡菜味，因為好味再ENCORE多一碟。好耐無食過好食既響鈴，難得呢度做得到食咗咁多樣最唔掂最搵笨係呢個養生盤 (花膠拼豬腳筋)，花膠無問題，但豬腳筋完全唔係嗰回事，淥完個形狀同花膠差不多，感覺已經唔係好對路，由於屋企好多時都會煮呢種食材，呢度既豬腳根完全無種黏性同軟，所以我忍唔住問個職員究竟呢個係乜嘢既筋，個職員堅持話係豬腳根係咁架喎，雖然我嗰下真係有一刻想爆，不過我唔想打擾同朋友既歡樂時
一打開MENU就發現有好多湯底選擇，任何湯底都可以拼成鴛鴦鍋。我揀咗椰子雞拼冬蔭功。未淥食物前先試試湯底。椰子雞湯底係奶白色，味道就好似飲緊椰奶，就咁飲唔係好得，但淥咗食物後又OK喎，同埋有成半隻雞做料。而冬蔭功湯底嗰邊，夠辣夠鮮，海鮮又足料，不論飲同淥食物都好得，推介
打邊爐，點可以唔叫牛，食得出唔係平既牛肉，有牛味，有嚼口。
日式蔬菜盆，排得好靚呀
西洋菜，啱季節，夠新鮮夠嫩，同埋清洗得乾淨。
竹笙勁爽口，最值得讚係泡菜餃，餡料夠，皮夠滑，淥完後仍然食得到辣辣既泡菜味，因為好味再ENCORE多一碟。
好耐無食過好食既響鈴，難得呢度做得到
食咗咁多樣最唔掂最搵笨係呢個養生盤 (花膠拼豬腳筋)，花膠無問題，但豬腳筋完全唔係嗰回事，淥完個形狀同花膠差不多，感覺已經唔係好對路，由於屋企好多時都會煮呢種食材，呢度既豬腳根完全無種黏性同軟，所以我忍唔住問個職員究竟呢個係乜嘢既筋，個職員堅持話係豬腳根係咁架喎，雖然我嗰下真係有一刻想爆，不過我唔想打擾同朋友既歡樂時光，今次我算。
其他食肆一般喺食完後上生果/湯水，但呢度就生果+朱古力，有配搭少少特別，唔錯，而且粒朱古力好味。
Post
