方叔叔重慶老火鍋 (PopCorn 2) (Closed)

放假去咗將軍澳探下舊同學，同學請我去附近商場食火鍋，方叔叔重慶老火鍋環境清幽，格調高雅，座位寬敞。入座後即送上雪耳紅棗糖水，侍應話係比我哋食火鍋前先潤一潤喉嚨。麻辣拼豬肚雞鍋：紅卜卜的麻辣湯底揀咗小辣，豬肚雞湯好足料，湯底胡椒味香濃，鮮雞皮爽肉嫩，豬肚爽口。火鍋配料有一份和半份選擇，最岩我哋人少又想食多幾款火鍋配料嘅客人。紐西蘭青口一份，青口肉厚有嚼勁，味道鮮甜。 口感極佳。黑豚腩肉油脂分佈均勻，吃起來滑潤不澀，口感細嫩好吃。手打魚籽蝦滑：蝦滑起膠夠彈牙，蟹籽脆卜卜增添口感。手打豬肉貢菜滑：豬肉加入貢菜味道清香。鹽爆魚肚好厚身，吸收湯汁後十分美味！白鱔爽口彈牙有鮮味。長城小白豬午餐肉成份除了豬肉外，還有火腿粒，肉味夠濃夠香。鴨血軟嫩順滑。炸芋頭口感細軟，綿甜香糯。油麥菜、娃娃菜鮮嫩。鮮滑魚麵鮮嫩爽滑，Q弹爽口。重慶炸酥肉外酥裡嫩，豬肉嫩滑、味道爽口、肥而不膩，配濃郁麥芽香的日本七寶扎幌啤酒，味道一流！