北海道爐端燒 (Closed)

期待而久既爐端燒，今日終於食到啦！呢間餐廳係地鐵站附近，位置方便就腳。主打爐端燒，裝潢走日式風格，我既位置仲可以直接望住師傅烤串燒既模樣，彷如置身係日本居酒屋之中。座位寬敞，坐得都幾舒適。除左爐端燒，仲有壽司，刺身，串燒等等各款日式料理。北海道蟹殻蟹肉蟹膏燒($78)之前見人地打卡好靚，一直想食好耐既蟹膏燒！蟹殻盛載住豐富既蟹肉同蟹膏，撈埋鵪春蛋既蛋液，燒幾分鐘就食得。蟹味十足，入面仲有絲絲蟹肉，相當惹味。浜燒鮑魚($62)河豚乾($68)聞落去香噴噴，烤得岩岩好。味道甜甜地，就算唔點沙律醬都勁好食👅朋友話同日本既味道幾乎一樣。明太子牛油魷魚燒($58)魷魚爽口彈牙，牛油味再濃啲就完美。稻草烤塩鰹刺身($98)就咁睇表面以為係全熟，點知咬落去係刺身既口感。配上蒜片，蔥花同醬油，味道豐富。魚片新鮮，帶點稻草既獨特香味，幾特別。海膽($98)意想唔到會係成板海膽既份量，味道鮮甜，夠曬Creamy，入口完全冇腥味，好新鮮👍🏻我只能夠用幸福黎形容！下次黎既話要同朋友一人嗌一板先得👅檸檬秋海($46)