炊豕店 (加路連山道) (Closed)

每格一段時間，我都會走來<炊豕店>食佢哋嘅炸豬扒，雖然次次來都幾多人，不過都值得再來幫襯的，因為最強炸豬真係超好食，永無失望！！～<人氣推介蔥油豬扒配撈粗麵>蔥油份量勁多勁好味，配料仲有炸蒜同埋底下嘅秘製醬汁，將啲蔥油撈埋醬汁，同埋香蒜撈埋啲麵一齊食，味道非常之夾，仲好惹味。粗麵嘅份量係非常之多，塞滿曬成個碗，一定食得飽！！重點主角出場，就係呢一塊無與倫比嘅厚切豬扒，豬扒嘅炸粉非常之薄，肉質厚得嚟係帶鬆化嘅口感，骨少肉多，咬落去鬆軟而帶點點微彈，非常之好食。<肉燥汁豬扒配撈幼麵>幼麵嘅份量同樣非常之多，呢個豬扒飯係配肉燥汁，肉燥汁非常之濃郁，而且配有好多粒粒半肥瘦肉碎，極為惹味。另外一讚嘅係，呢度嘅滷水牛展做得非常之高水準，牛展炆得非常之軟腍，咬落去完全冇根同埋渣，肉質依然夠滑，最重要係佢個滷水味道非常之突出，極為入味。滷水牛展份量雖然唔算好多，但每一片牛展都好大塊，而且唔算好薄，值得推薦！！～另外加十蚊仲可以配埋飲品，好抵吖！！整體來講，餐廳嘅賣點就係平靚正，食物質素水準高，而且份量多，價錢夠曬平，人均消費都係八十蚊左右，就可以食到勁好