西關粥品 (Closed)

食得好野多，食到喉嚨痛，唯有食返清啖啲啦！元朗粥店選擇唔多，今日就哩間啦~ 店面裝修幾特別嫁，雖然唔大，但都有啲風格。 窩蛋雙牛粥賣相都好特別，雙牛係指有牛肉片同碎牛，肉質好滑，粥底好靚，好綿，加埋個滑蛋食落仲滑啲！ 叉燒腸粉皮薄餡靚，因為叉燒係叉燒絲而唔係叉燒粒，所以叉燒味道更突出！魚片豬潤粥粥底一樣咁靚，豬潤同魚片都一樣好大片，豬潤好滑，魚片好鮮甜。