籠太子點心專門店 (Closed)

在這裏附近有點事要辦，途經這一間點心餐廳，看一看菜單，價錢和經濟又實惠，而且店內座位舒適，就坐低試一試。點心種類選擇多，有懷舊點心，亦都有啲新式嘅點心，甜品一應俱全。有啲點心係可以叫兩件，咁就可以試多幾樣野唔怕食唔晒。鮮蝦燒賣皇$15燒賣兩粒都大大粒，上面嗰隻蝦爽口彈牙，中間夾住一啲半肥瘦豬肉，十分香口。鮮蝦菜苗餃$24菜苗餃嘅皮好薄，晶瑩剔透。入邊都夾咗唔少蝦肉。雪山叉燒包$22有啲似菠蘿包嘅叉燒包，外皮香口，甜甜地。入邊夾咗叉燒，一次過滿足兩種感覺。金蒜蒸排骨$24排骨醃得好入味，唔會有雪藏味。第一次見到點心係烏冬墊底，吸左啲味有幾好食。名醬蒸鳳爪$23每次去飲茶必點嘅點心，味道剛剛好，唔會話好鹹。皮蛋牛肉腸$26第一次食牛肉腸入邊係有皮蛋，好特別。夾雜左皮蛋嘅香味，味道簡直昇華。柴魚花生粥$21柴魚花生粥煲得好香，粥底煲得好綿滑，仲有好多粒花生添。唔想成日淨係去酒樓飲茶，想多啲點心選擇，大家可以來試一試。