古月

Open Now

Now Closed

午市（大概十二點）來食飯，叫咗杯三色奶茶同埋辣椒板麵。個辣椒板麵包一碗魚蛋湯，我都未飲完店員已經想收走我隻碗，我叫住佢先無收走我碗湯。當時餐廳大概只有一半人入座。之後碗板麵到，食到一半都未上杯奶茶。叫店員追一追，佢非常唔耐煩地話整緊。結果食完成碗麵，終於等到杯奶茶。我碗麵緊係一放低筷子即刻極速被人收走左啦，明明入面仲有啲料未食完。飲飲下杯奶茶，個店員已經等唔切咁又抹檯又盛。再過30秒，直情出聲同我講：小姐你差唔多時間要交檯啦。吓？！你無同我講過有限時幾點要交檯架喔。而且唔係你整杯奶茶整咗超過20分鐘，我唔會食完碗辣麵先有奶茶飲啦，而家唔係我賴死唔走阻住你，係你咁遲先上野飲俾我，仲要我未飲完出聲趕我走。我唔知呢啲係咩待客之道，咁惡劣既服務，難怪佢晚市無乜客。