黑麥 (Closed)

呢日工友帶隊來到呢間開餐，佢未入門口就大力推介呢度0的麵包好食，咁就一於入去試下﹗晚餐有三款，主菜揀左青口菠菜麵及雜菌鮮茄螺絲粉，每份加$25有得轉做餐有包又有湯﹗我要左個磨菇湯，未喝先聞已菇味香濃，湯身不稀不杰味道鮮美，而工友的菠菜湯也很不錯﹗大家都十分欣賞﹗跟湯是四件麵包，有蒜蓉牛油法包、杏仁包及檸蜜醬包等，全部焗得香脆，我雖然唔識品嚐麵包真諦不過就覺得0的包焗得太硬，一0的都唔鬆化，麵包味欠奉口感亦鬆散，講真而家很多麵包店如山崎等的做得比他好，為了包而來就帶點失望了﹗主菜先是青口露荀菠菜麵，麵身煮得岩岩好十分彈牙爽口，露荀的青甜令吃得更清新舒服，很不錯﹗青口是平價貨不作品評，還可以﹗螺絲粉個汁比較杰，車里茄配住來食口感清新香甜，好味﹗最尾作結的Cappuccino泡身打得相當挺，入口滑溜香濃，比起starbucks飲的更佳﹗整體食物很不錯，但失望在麵包，唔係就完美了﹗