Video
Read full review
2023-02-16
385 views
平時真係好少寫食評，但今次咁差嘅經驗真係人生第一次，希望大家唔會遇到同樣嘅事🫡今日收工夜左少少，19:45 先上到去，本身上網check咗都知收21:00，所以一坐低就即刻叫嘢食，都有同staff確認多次last order時間同收幾點，當時staff好清楚咁答：「Last order八點半，收九點。」🥹食物嚟齊都八點一二，本身諗住等多陣先落埋甜品20:15 另一位staff行埋嚟：「last order啦 要嗌依家好嗌」咁本身都無所謂同埋怕阻人收工，所以有即刻落單追加甜品20:30 餐廳BGM突然變到超級大聲，啲staff講曬粗口(鬧緊其他人)又唱歌又瘋狂收碟，老實講就係營造一個好差嘅環境令人唔想再食落去🫠20:45 差唔多就走過嚟講：「我哋就收工啦 食快少少」其實聽完呢句已經無曬胃口，但都唔想浪費食物，諗住剩低少少快啲KO埋佢，五分鐘之內走人20:49 間餐廳忽然熄燈，嗰吓真係呆咗，同朋友坐咗喺度唔知俾乜反應好，唯有即刻執嘢走人，其實差一兩啖就食晒🥲🥲係咪真係咁趕收工？？？#究竟係我電話慢咗10分鐘定佢哋真係20:50都未到就熄燈趕客？#原本真心覺得食物唔錯食得幾開心可以翻兜 #依
平時真係好少寫食評，但今次咁差嘅經驗真係人生第一次，希望大家唔會遇到同樣嘅事🫡
今日收工夜左少少，19:45 先上到去，本身上網check咗都知收21:00，所以一坐低就即刻叫嘢食，都有同staff確認多次last order時間同收幾點，當時staff好清楚咁答：「Last order八點半，收九點。」🥹
食物嚟齊都八點一二，本身諗住等多陣先落埋甜品
20:15 另一位staff行埋嚟：「last order啦 要嗌依家好嗌」咁本身都無所謂同埋怕阻人收工，所以有即刻落單追加甜品
20:30 餐廳BGM突然變到超級大聲，啲staff講曬粗口(鬧緊其他人)又唱歌又瘋狂收碟，老實講就係營造一個好差嘅環境令人唔想再食落去🫠
20:45 差唔多就走過嚟講：「我哋就收工啦 食快少少」其實聽完呢句已經無曬胃口，但都唔想浪費食物，諗住剩低少少快啲KO埋佢，五分鐘之內走人
20:49 間餐廳忽然熄燈，嗰吓真係呆咗，同朋友坐咗喺度唔知俾乜反應好，唯有即刻執嘢走人，其實差一兩啖就食晒🥲🥲
係咪真係咁趕收工？？？
#究竟係我電話慢咗10分鐘定佢哋真係20:50都未到就熄燈趕客？
#原本真心覺得食物唔錯食得幾開心可以翻兜 #依家真係不了怕食食吓又俾人熄燈😀
#但凡比翻少少禮貌都真係唔會咁嬲🤭
Post