Video
Read full review
2015-03-06
730 views
麺屋武蔵一向分店多，以往多數喺APM/沙田食，今次開到黎旺角翻新左嘅商場MOKO，一於同朋友試下佢同其他分店有冇咩唔同。首先最吸引係個門面，有好大個位整左個骨牌款的招牌，斜望就係一個完整嘅Logo，直望就可以直視到場內的食客同環境。可能因為MOKO裝修完，周圍好闊落，就算要等位都唔會覺得好窄好唔舒服（相較之下，APM同沙田分店就等位等得辛苦好多喇！）不過呢間麺屋武蔵開左冇幾耐，所以都好少見到人等位，今日大約8點幾晚飯時間，都係直接Walk in就有位喇，埸內仲有好幾張空枱呢！同行友人都一樣叫左同一款「白武骨湯底、豚角拉麵」，平時我地係食開「黑豚角」，但因為大家都化左妝，為免食到污糟哂整花個妝，所以今次叫返個清清地的湯底。白武骨湯底雖然望落好清，但其實都幾足料同好濃烈豬骨味，拉麵又爽又彈牙，唔會話浸耐左就發漲。而豚角嘅脂肪同肉比例相均，小小經驗之談：建議大家一定要打直咁食（同時食到脂肪與肉），唔好打橫咁食完肉先食脂肪，否則就會錯過豚角應有嘅口感！除左拉麵之外，我地仲叫左個蜜糖蕃薯條，正確菜名唔sure係咪呢個，不過真係好抵讚，一個小小的小食菜式都唔馬虎，所點嘅醬係正宗蜜糖，絕對唔係其他店
首先最吸引係個門面，有好大個位整左個骨牌款的招牌，斜望就係一個完整嘅Logo，直望就可以直視到場內的食客同環境。可能因為MOKO裝修完，周圍好闊落，就算要等位都唔會覺得好窄好唔舒服（相較之下，APM同沙田分店就等位等得辛苦好多喇！）不過呢間麺屋武蔵開左冇幾耐，所以都好少見到人等位，今日大約8點幾晚飯時間，都係直接Walk in就有位喇，埸內仲有好幾張空枱呢！
同行友人都一樣叫左同一款「白武骨湯底、豚角拉麵」，平時我地係食開「黑豚角」，但因為大家都化左妝，為免食到污糟哂整花個妝，所以今次叫返個清清地的湯底。白武骨湯底雖然望落好清，但其實都幾足料同好濃烈豬骨味，拉麵又爽又彈牙，唔會話浸耐左就發漲。而豚角嘅脂肪同肉比例相均，小小經驗之談：建議大家一定要打直咁食（同時食到脂肪與肉），唔好打橫咁食完肉先食脂肪，否則就會錯過豚角應有嘅口感！
白武骨豚角拉麵
65 views
0 likes
0 comments
蜜糖蕃薯條
61 views
0 likes
0 comments
Other Info. :
雖然野食係幾好，不過服務方面真係有可改善地方。首先員工過於自信了，有位男員工似乎做左一段日子，落單時都唔會mark紙仔懶有記性咁，結果最後叫佢埋單，轉個頭就冇左件事，我地已經拎哂錢出黎，佢仲可以行過見到都若無其事-_-最後要叫另一位員工埋單，雖然唔趕時間，但唔代表可以接受咁。
另外座位方面，門口直入最入的卡位其實係死角位，員工需要多加巡視，否則客人舉手舉到2046都冇人嚟！而且喺廚房整緊麵嘅師傅，係見到我地都唔會理的，我就係其中一例，以後都唔想坐果個位！
(The above review is the personal opinion of a user which does not represent OpenRice's point of view.)
Post
