炙和味日本料理 (屯門時代廣場北翼) (Closed)

2021-5-30大約中午2點半過到去，職員話冇放題，只可以叫套餐，我睇下有咩食既時候職員強調3點落場last order，好似我阻佢落場我錯咁。我見D人寫高質好味，心諗有質素係串D㗎喇，忍下啦。一入到去職員帶我去果左張枱D櫈係冇抹過既，有D水漬定食物既汁，感覺唔衛生，去另一張枱，情況一樣，只不過少D水漬，要自己抹。叫左個飯，叫左走葱，個飯上枱時冇走葱，我問個職員，佢就話(係喎！你自己夾返。)三文魚子尚可接受，海膽冇味，帶子苦，最好味係罐可樂。我知阻你地班大哥大姐落場，都唔敢留太耐，已經盡左力食快D，下午3點03分埋單走，真係唔好意思。之後行一陣屯市，個肚一直響，5點幾返到屋企肚瀉。服務態度不佳，收服務費。