Video
Read full review
2019-05-31
118 views
我唔會再幫襯第一次嚟幫襯，見其他網站有六五折就黎試吓，散叫咗個龍蝦湯，西蘭花芝士湯加酥皮，忌廉蘑菇湯加酥皮，墨西哥串燒，卡邦利大蝦帶子意粉同豬手⋯⋯龍蝦湯茄膏重手左少少，蝦膏令到個湯好滯，西蘭花芝士湯見唔到有西蘭花，芝士味亦都無，根本係一個普通忌廉湯，可能因為係是日餐湯，就算我散嗌佢都係俾返果款我，忌廉蘑菇湯好淡，酥皮唔係好似出邊咁脹卜卜佢係林啤啤，一啲都唔好食，好失望，專登嚟飲酥皮湯的反而最好食係小食墨西哥串燒，牛仔肉同牛舌都好林好味，甜薯都好林好甜，呢個真係推介跟住到主菜卡邦利大蝦帶子意粉，忌廉味好重，但食唔到有芝士，有四粒蝦同一粒大帶子，都幾好食，不過如果一個人食曬會好滯，豬手好大隻，皮好脆，點蜜糖芥辣好好食⋯最後我哋差唔多食晒嘅時候，應該係負責人就攞張飲品表，要我地每人一定最少要點一杯嘢飲，唔怪得知一開始就叫我地order飲品，但佢又冇講明一定要每人點一杯嘢飲，最後先講，如果佢一早講明嘅話，我可能會叫少啲野，因為最後杯嘢飲根本飲唔到，而且呢杯嘢飲係冇折，最平一杯嘢飲都要$35，即是俾咗折你，但係一定係飲品都要賺返你多啲，就算個網站有條款寫明，都係話每人最低消費一杯飲品，最低消費
第一次嚟幫襯，見其他網站有六五折就黎試吓，散叫咗個龍蝦湯，西蘭花芝士湯加酥皮，忌廉蘑菇湯加酥皮，墨西哥串燒，卡邦利大蝦帶子意粉同豬手⋯⋯
龍蝦湯茄膏重手左少少，蝦膏令到個湯好滯，西蘭花芝士湯見唔到有西蘭花，芝士味亦都無，根本係一個普通忌廉湯，可能因為係是日餐湯，就算我散嗌佢都係俾返果款我，忌廉蘑菇湯好淡，酥皮唔係好似出邊咁脹卜卜佢係林啤啤，一啲都唔好食，好失望，專登嚟飲酥皮湯的
反而最好食係小食墨西哥串燒，牛仔肉同牛舌都好林好味，甜薯都好林好甜，呢個真係推介
跟住到主菜卡邦利大蝦帶子意粉，忌廉味好重，但食唔到有芝士，有四粒蝦同一粒大帶子，都幾好食，不過如果一個人食曬會好滯，豬手好大隻，皮好脆，點蜜糖芥辣好好食⋯
最後我哋差唔多食晒嘅時候，應該係負責人就攞張飲品表，要我地每人一定最少要點一杯嘢飲，唔怪得知一開始就叫我地order飲品，但佢又冇講明一定要每人點一杯嘢飲，最後先講，如果佢一早講明嘅話，我可能會叫少啲野，因為最後杯嘢飲根本飲唔到，而且呢杯嘢飲係冇折，最平一杯嘢飲都要$35，即是俾咗折你，但係一定係飲品都要賺返你多啲，就算個網站有條款寫明，都係話每人最低消費一杯飲品，最低消費意思係其中一個人冇點餐先需要，但係我哋已經點左三個湯兩個主菜一個小食都仲過唔到最低消費咩？呢個條款我真係好耐冇係香港見過係咁樣計最低消費的
叫兩個散餐，一個晚餐又話唔得，一定要全部散叫，我之前都係用同一個網站係第二間餐廳，人地都可以分開計散餐有折，套裝冇折。
睇落比折扣你好似好着數，但原來最後計落根本都唔係平好多，講真最後要我地每人叫一杯正價飲品真係條氣好唔順，無啦啦比多$100飲三支冰鎮樽裝奶茶，但係又唔係冰鎮住，得知樽裝奶茶俾你，咁又點叫做冰鎮呢⋯⋯
算啦，反正呢間野我唔會再幫襯，如果大家想去試吓d嘢食都可以，不過如果要散嗌就要問清楚係咪一定要再叫一杯野飲啦！
Post
