The Point (Closed)

近年很多食肆進駐將軍澳，今晚和太太到將軍澳中心逛公司兼晚膳，呢間The Point位於商場，環境舒適，由於商場有晒指示，很容易揾倒。點了二人晚餐，三文魚沙律夠清新，蔬菜新鲜。炸鷄翼夠香脆，比較细隻。軟殼蟹鲜蝦薄餅賣相吸引，軟殼蟹一開二，每人半隻，炸得香脆鬆軟，薄餅口感軟熟，唔似一般意大利薄餅有嘅脆邊，又唔會咁肥滯。主菜選了紅酒燴羊膝，即叫即做，等候需時。原隻羊膝上碟，炆得很腍滑，軟熟帶膻香，醬汁香濃美味。另叫了一客brownie加雪糕分享，甜品熱盤上桌，朱古力香濃太甜，整體食物幾啱口味。