深鴻私房菜

Open Now

Now Closed

親友飯聚，上網搵地方，見價錢合理，食評又幾好，記決定一試。10人訂房，一圍（12人份量）$5000＋碟碟份量都好多，味道又唔錯，房內有大電視卡拉OK，好正。乳豬全體上枱仲有微暖，肉嫩皮脆唔肥，好食。上湯龍蝦煎米粉底龍蝦份量唔少，米粉煎得甘脆，點埋個上湯汁食，唔錯。炸蟹鉗略微蟹鉗打得太硬身，炸左出黎一陣已經覺得好實，唔好食扣分。荔枝柴薰燒鵝好香煙薰味，鵝肉都燒得幾好，唔會好乾，個豉油比較重味，幾好。蒸魚，鮑魚，海皇翅，飯麵等等，全部都正常水準，樓面又定時定候入嚟招呼下，換下碟，好過去酒樓食，價錢係貴少少，但就食得舒服好多。由於人少同埋多老人家，飯麵燒鵝加兩樣菜都有打包拎走。1樓係房，2樓應該係大廳，星期日晚都爆，可以坐到11點半左右。