Video
Read full review
2018-12-27
205 views
見樓下新開張去試下，點知食到一肚氣。先講餐具，見把牛油刀同切肉刀上仲有漬，明顯洗碗嗰個未洗乾淨，衛生麻麻。我地兩個人，叫左鐵板雜扒、鐵板西冷扒及一客焗田螺。先上個餐湯，我地要左紅白湯各一客，兩碗都稀到好似水咁，只有茶餐廳質素，唔係一間扒房應有啲水準。飲完湯，等左好耐都未上嘢食，諗住可能廚房慢，所以都無催侍應，點知隔離枱遲過我地十分鐘落 order 嘅鐵板扒餐都到左，但我地叫嘅嘢仍然一樣都無嚟過，我先去問侍應，佢話好快有，結果由落單到上枱足足等左 30 分鐘！好明顯佢漏左我地張單！田螺完全無味，好似食緊擦膠，就連碟上嘅薯蓉都可以無薯味，去過好多間花園餐廳，呢間嘅焗田螺都算係最難食嘅一間。當我地仲有一粒田螺未食，侍應竟然想收左我地碟田螺，當然被我阻止，心諗上餐又唔見你咁快，收嘢就咁鬼快，連客人未食完都無睇清楚就想收。雜扒鐵板餐，我第一次見跟餐竟然係一塊薄切豬肉腸，而唔係用司華力腸或廚司腸，心諗話晒都一舊水個鐵板餐，使唔使慳成咁？西冷鐵板餐，我叫七成熟，點知嚟到約莫得五、六成熟，中間仲有好多血水，筋嗰啲位係生到完全切唔斷嘅。由於等左咁耐先有得食已經無乜心情，嗰刻只想食完快啲走，我都廢事叫侍應
先講餐具，見把牛油刀同切肉刀上仲有漬，明顯洗碗嗰個未洗乾淨，衛生麻麻。
我地兩個人，叫左鐵板雜扒、鐵板西冷扒及一客焗田螺。先上個餐湯，我地要左紅白湯各一客，兩碗都稀到好似水咁，只有茶餐廳質素，唔係一間扒房應有啲水準。
飲完湯，等左好耐都未上嘢食，諗住可能廚房慢，所以都無催侍應，點知隔離枱遲過我地十分鐘落 order 嘅鐵板扒餐都到左，但我地叫嘅嘢仍然一樣都無嚟過，我先去問侍應，佢話好快有，結果由落單到上枱足足等左 30 分鐘！好明顯佢漏左我地張單！
田螺完全無味，好似食緊擦膠，就連碟上嘅薯蓉都可以無薯味，去過好多間花園餐廳，呢間嘅焗田螺都算係最難食嘅一間。當我地仲有一粒田螺未食，侍應竟然想收左我地碟田螺，當然被我阻止，心諗上餐又唔見你咁快，收嘢就咁鬼快，連客人未食完都無睇清楚就想收。
雜扒鐵板餐，我第一次見跟餐竟然係一塊薄切豬肉腸，而唔係用司華力腸或廚司腸，心諗話晒都一舊水個鐵板餐，使唔使慳成咁？
西冷鐵板餐，我叫七成熟，點知嚟到約莫得五、六成熟，中間仲有好多血水，筋嗰啲位係生到完全切唔斷嘅。由於等左咁耐先有得食已經無乜心情，嗰刻只想食完快啲走，我都廢事叫侍應再換，唔想又要再等半個鐘！西冷扒除左生少少外，都算中規中舉，不過又未至於值得用貴連鎖快餐店一倍價錢去食。
結論，呢間花園無論服務及嘢食都唔合格，唔會再幫襯。一舊水去食連鎖快餐店鐵板餐無咁嬲。
Post
