Video
Read full review
2019-01-06
853 views
上年黎依間食飯都OK.所以今次特登再黎依度慶祝母親生日。我地分別叫左濃湯花膠煲螺頭、金菇瑤柱扒豆苗、翡翠炒老虎斑球、果皮蒸老虎斑頭腩、灼蝦&鮮果咕嚕黑豚肉。濃湯花膠煲螺頭：材料不少，有七八塊細花膠。湯幾甜幾香濃。金菇瑤柱扒豆苗：成碟青菜份量可以，金菇量多，瑤柱量少係預料中事，有個芡汁點下，令菜更加甜。翡翠炒老虎斑球：份量唔多，而且唔知係咪老虎斑球炒得過火，肉質變得好鬆散，一夾就散開。果皮蒸老虎斑頭腩：雖然成碟都見唔到果皮，但食魚肉時會聞到好大陣果皮味。份量ok,肉唔會蒸太老。灼蝦：D蝦唔係好得，有幾隻係壞既，蝦殼軟綿綿 黐實左個蝦身。鮮果咕嚕黑豚肉：依碟野，正正常常，無咩可以讚亦無咩好彈。雖然食物普遍ok，但服務真係好差。上左湯同碗，就甘放低唔會問你要唔要幫你分湯，你自己黎。同佢地講要個白飯，應完你又唔記得。叫佢清台上蛋糕，佢竟然台都唔清，攞走食完既菜，就同你上蛋糕，亦唔會問你使唔使幫你分蛋糕。蛋糕叉都唔比，只係比用黎拮水果既膠籤你。如果你唔care服務既，只求食飽就算既，你可以去食既。
濃湯花膠煲螺頭：
材料不少，有七八塊細花膠。湯幾甜幾香濃。
金菇瑤柱扒豆苗：
成碟青菜份量可以，金菇量多，瑤柱量少係預料中事，有個芡汁點下，令菜更加甜。
翡翠炒老虎斑球：
份量唔多，而且唔知係咪老虎斑球炒得過火，肉質變得好鬆散，一夾就散開。
果皮蒸老虎斑頭腩：
雖然成碟都見唔到果皮，但食魚肉時會聞到好大陣果皮味。份量ok,肉唔會蒸太老。
灼蝦：
D蝦唔係好得，有幾隻係壞既，蝦殼軟綿綿 黐實左個蝦身。
鮮果咕嚕黑豚肉：
依碟野，正正常常，無咩可以讚亦無咩好彈。
雖然食物普遍ok，但服務真係好差。上左湯同碗，就甘放低唔會問你要唔要幫你分湯，你自己黎。同佢地講要個白飯，應完你又唔記得。叫佢清台上蛋糕，佢竟然台都唔清，攞走食完既菜，就同你上蛋糕，亦唔會問你使唔使幫你分蛋糕。蛋糕叉都唔比，只係比用黎拮水果既膠籤你。
如果你唔care服務既，只求食飽就算既，你可以去食既。
Post
