金蘭花泰國餐廳 (Closed)

星期日行完街，想食泰菜，記得朋友介紹呢間，所以walk-in上黎，好爆滿座，應該好好味所以先咁滿座，我死心不息一定要食呢間，由八點落去再行一陣，差不多八點半終於有位。好肚餓，樣樣都想食。好耐無食菠蘿炒飯，屋企人又鍾意食炒飯，所以必叫，炒飯味道有濃郁嘅菠蘿香味、酸酸甜甜都幾好食，個炒飯配合腰果同粟米口感爽脆，又有提子乾肉鬆，個炒飯炒得乾身，好味！！另外好鍾意食海南雞飯，賣相吸引，雞皮唔會太肥，而且雞肉嫩滑，配埋個油飯同醬汁，一流，正！！馬拉盞炒通菜，一上台，香味令人流晒口水，炒過後嘅通菜好爽口，惹味十足～原本好想食芒果糯米飯，但因為我地太夜入座，已經賣哂，傷心掉住我口癮；之後叫左班蘭糕代替。最後緊係唔少得必飲嘅椰青啦，個椰青真係不得了，雖然椰青係0技術可言的，但飲到靚椰青都要好講彩數，好解喝清甜。食物咁有水準，服務好，價錢又合理，難怪上樓都咁滿座。