Video
Read full review
2018-02-13
1227 views
諗左好耐寫唔寫好，真係太谷氣，唔寫唔得。 我係一個由老雪園未正式開業已經幫襯嘅客，全家上海人以往想靜靜地食個拆骨魚頭的話多數去中環間xx同x會。老雪園開左覺得坐得幾舒服就成日去，基本上每兩星期一次。 以前服務好好嘅，有個X生又送客又盛真係覺得會返去幫襯。自從兩星期前同屋企人聚餐，有家人回港就揀老雪園啦，以我地狂風掃落葉的食野速度仲要比人催走就真係覺得服務好差！真心嘅！呢次食物唔差，但係以佢嘅價錢亦唔算好好,講真一碟蜜汁火方近$300嘅價錢，我哎5個餸好幾碟前菜同甜品，真係唔算平，但我地食得快無人仲慢慢咬緊野食係唔代表值得比你催促離開。我上有長輩，有海外親友，難得見面有無可能一家10口食左只係1個鐘就催我地走話有好多人等緊。喂！如果要分兩輪食的話，第一我唔會揀老雪園，第二有好多人等緊係佢地安排訂座嘅問題，我食得快就懲罰我地？ 都算！隔左兩星期同朋友有個飯局 ， 咁啱朋友個個都係中西區人，就約呢間。差嘅服務又嚟！今次以為終於唔洗比人催走因為成間店好多吉檯，妄想啦！我地一行5人，佢比左張8-10人檯我地其實已經好奇怪，因為咁大張點傾偈？我有朋友唔食得快，所以慢慢食，傾下偈咁，食到最後一道豆腐
我係一個由老雪園未正式開業已經幫襯嘅客，全家上海人以往想靜靜地食個拆骨魚頭的話多數去中環間xx同x會。老雪園開左覺得坐得幾舒服就成日去，基本上每兩星期一次。
以前服務好好嘅，有個X生又送客又盛真係覺得會返去幫襯。自從兩星期前同屋企人聚餐，有家人回港就揀老雪園啦，以我地狂風掃落葉的食野速度仲要比人催走就真係覺得服務好差！真心嘅！呢次食物唔差，但係以佢嘅價錢亦唔算好好,講真一碟蜜汁火方近$300嘅價錢，我哎5個餸好幾碟前菜同甜品，真係唔算平，但我地食得快無人仲慢慢咬緊野食係唔代表值得比你催促離開。我上有長輩，有海外親友，難得見面有無可能一家10口食左只係1個鐘就催我地走話有好多人等緊。喂！如果要分兩輪食的話，第一我唔會揀老雪園，第二有好多人等緊係佢地安排訂座嘅問題，我食得快就懲罰我地？
都算！
隔左兩星期同朋友有個飯局 ， 咁啱朋友個個都係中西區人，就約呢間。差嘅服務又嚟！今次以為終於唔洗比人催走因為成間店好多吉檯，妄想啦！我地一行5人，佢比左張8-10人檯我地其實已經好奇怪，因為咁大張點傾偈？我有朋友唔食得快，所以慢慢食，傾下偈咁，食到最後一道豆腐松茸野菌煲，覺得松茸係酸嘅。我地就細細聲話比個侍應知道，亦無要求退左佢只希望唔好有其他客食左。呢個時候上次好大聲催我地走嘅女經理又嚟嘞。今次仲大聲話松茸本身係酸嘅，佢地每日賣好多，係咁樣酸嘅。我地都無拗因為我地都唔係日日食松茸，只係如果同豆腐一齊煮會好易以為豆腐酸左嗟，因為佢好大聲，我地亦咁啱撞到同事廢事鬧大就算數。今次野食的水準就比上幾次差左好多，樟茶鴨好鹹同乾，素鵝唔脆，脆鱔明顯係翻炸，個煲都唔好提。以為咁就完左我太天真了，10點正又有侍應嚟催我地埋單，埋左單我地影吓相咁，10:15分竟然有侍應嚟話我地張檯上面個冷氣要洗，我地要走。Seriously?!又真係咁啱我地張檯上面個冷氣要洗，真係勁。
我地就走啦，其實佢咁趕收工，趕接下一檯客，趕呢樣嗰樣，就唔好收呢個價錢比澳牛嘅服務人啦！真係對親戚對朋友幾唔好意思！
Post