滾得棧 (Closed)

番茄湯底唔錯，幾好味。我去部分火鍋店食完會敏感，但呢間無，所以用料應該唔算差。座位間隔唔錯，我坐卡位，四人以下應該坐得舒服，但我book六點，所以可能少人亦有關係。服務唔錯，叫完野算快上。地理位置易搵，幾個朋友聚會算唔錯選擇。兩個人飮左兩支啤酒，叫左餐牌上中等價錢食材，都係肥牛一碟、加埋菜個啲，埋單大約$400/人，有個出名湯底朋友本來想點，但個日無供應。整體上唔錯，只係油麻地地段黎講小貴。不過都可食下。