餃子爺爺

Open Now

Now Closed

開張到而家都食咗一排，一開頭個魚湯有人話好腥唔鍾意，但我自己又覺得OK，可能係口味問題啦。後來佢哋轉左湯底，老闆話會定期轉下湯底，咁都幾有新鮮感so far都唔錯。餃子d味道都幾好味，芝士玉米鮮肉餃係我最愛，同埋小食d麻辣好好味。有人話小食好味過水餃，但我覺得一樣濃味一樣淡味，分開食又得，兩樣加埋亦可。價錢黎講就太子嗰啲餃子店咁上下，貴唔貴見人見智啦。跟住講下缺點，三個廚房兩個樓面，成間舖得嗰幾枱客成間鋪都可以冧哂檔，又落錯單、又唔check清楚有咩售罄、出餐又亂，要喺間鋪度大聲嗌黎嗌去，問邊個叫左乜邊個叫左物。我唔知係咪樓面班阿姐唔識得用電子設備落單，落張單要幾分鐘，confirm又要幾分鐘，Confirm完又落錯，一係就冇落到。成間舖充斥着混亂，廚房兩個年輕人應該係老闆，又要顧住煮嘢食，又要顧住樓面情況，感覺上幾個阿姐幫唔到手之餘重幫倒忙。如果外賣還好，堂食見到就覺得好煩躁。