陸羽茶室

Open Now

Now Closed

數一數最少七，八年冇嚟陸羽食飯，難得朋友叫到，終於再次重遊舊地，食物依舊，很多嘢卻變化不少。因為我舊時嚟過幾次，所以由我發辦，我點了每次來必食嘅：杏汁白肺湯蝦多士波蘿咕嚕肉雲腿鴿片柚皮扒大鴨碧綠生魚片豆腐鯪魚球煲合桃露＆杏仁露坦白說，食物味道尚算keep到，個豬肺湯依然好飲，個柚皮依然入味，雲腿鴿片依然精緻。可惜個咕嚕肉冇咗紫薑（可能唔啱季節），反而個鯪魚球相當好食。不過...真係太貴...所有小菜280起步（講緊普通一個青菜），其他好多都四，五百一個。而且我哋十一個人，侍應話一份唔夠食，全部小菜要起双～😱埋單找數差不多五千，比起舊時好似貴咗好多...值得一讚的是，侍應態度比起舊時真係完全不同，沒了以往那種愛理不理，盛氣凌人的態度，反而相當耐心解釋和等待，而且非常好服務，我們叫四個白飯，佢知道我哋諗住share食，佢主動話個飯比較大，幫我哋每個分開兩碗，非常貼心。雖然食物和服務都唔差，但我應該不會太常來，畢竟對我來說，真的太貴了...