貝拉冰室

Open Now

Now Closed

今日同家人晚餐想食小菜，我就於網上外賣平台揾到貝拉冰室。記憶中今次係第一次幫襯貝拉，3款小菜套餐包3個白飯及3杯熱飲，做緊推廣， 就決定試下。咸蛋蒸肉餅 - 肉餅整得唔錯，有咬感又唔會太韌，送飯一流。欖菜肉鬆四季豆 - 四季豆唔會太老，肉鬆入味，開胃的菜式。半隻霸王雞 - 呢味菜式反而較差，雞肉太“老”又太“鞋”，雖然份量真係算足半隻，但一啲都唔好食，唔合格。相信貝拉烹調較簡單 / 家常小菜會更加有把握。附送的白飯及飲品大致上都OK。但外賣所需要的時間過長，我平時甚少出聲，不過今次真係等得較耐，大家如果趕時間就要留意一下。