京都抹茶屋 (Closed)

放假同親愛的好姐妹係屯門行街，買左飛係新墟睇戲睇5點半，所以周圍逛，逛到4點幾真係無咩野做，聽說一田大減價咪去八卦下有咩買，行行下見到呢間抹茶野無咩人，就坐低左食，其實周圍真係好鬼吵，而呢個餐廳點完餐之後係自己去取，但係根本聽唔到個職員叫號碼定咩，總之人又多，又吵，唔明點解唔遞過黎，服務真係扣哂分囉。但係公道D，食評是評食既，杯芭菲真係不錯，雪粒甜而不膩，個抹茶雪粒無苦澀味，仲好香抹茶的味道，而底底既啫喱淡淡地，好似有少少綠茶味的大菜糕咁，幾配合個雪糕，但檽米滋太少了，但係煙煙韌韌的,好有嚼口，我喜歡有嚼口的東西。