Video
Read full review
2017-05-07
1213 views
週六去到愉景新城行下，商場比以前旺左好多，鋪頭都多左，如果要搵BB野啱哂，因為呢度好齊，要嘅品牌都有。晚餐試左喺商場附近嘅呢間西餐廳，新新地，但都有唔少好評。裝潢花過心思，門口有架文青單車，加埋一個白色信箱仔，又點會估唔到係西餐廳加酒吧呢~門面就夠靚喇，餐廳內都幾有格調，算係比較揼本嘅裝潢，同門面走嘅文青風有啲唔同，雖然以木色位主調，但路線感覺幾高級。入內一邊係高枱梳化位，之後有三張四人枱，對著門口有一列吧枱，此時我先知餐廳都係酒吧呢，最重要係營業到凌晨兩點，如果想同朋友飲杯野，食啲小食，或者都係個唔錯嘅選擇。餐牌選擇唔算多，有晚市套餐、單點、小食、酒類，配合整個裝潢跟服務，我會話定價合理。主菜有意大利飯、長通粉、扒類、羊架、黑毛豬、鴨腿等，有部分菜式都幾特別，有別於一般嘅西餐廳。晚市套餐包括餐湯、前菜、主菜、甜品，定價 $168-$298，共有六款。因為我地第一次黎，店員可能見我地冇乜頭緒，主動介紹各款菜式，提供建議，服務相當唔錯餐湯：磨菇湯磨菇湯正正常常，都有少少磨菇碎，味道都算香，唔會好鹹。旁邊配嘅麵包比較扁硬，有少少煙韌帶脆。(我地食到張枱好多碎…哈)前菜：香煎帶子配紅花汁帶子
晚餐試左喺商場附近嘅呢間西餐廳，新新地，但都有唔少好評。
裝潢花過心思，門口有架文青單車，加埋一個白色信箱仔，又點會估唔到係西餐廳加酒吧呢~
門面就夠靚喇，餐廳內都幾有格調，算係比較揼本嘅裝潢，同門面走嘅文青風有啲唔同，雖然以木色位主調，但路線感覺幾高級。
入內一邊係高枱梳化位，之後有三張四人枱，對著門口有一列吧枱，此時我先知餐廳都係酒吧呢，最重要係營業到凌晨兩點，如果想同朋友飲杯野，食啲小食，或者都係個唔錯嘅選擇。
餐牌選擇唔算多，有晚市套餐、單點、小食、酒類，配合整個裝潢跟服務，我會話定價合理。
主菜有意大利飯、長通粉、扒類、羊架、黑毛豬、鴨腿等，有部分菜式都幾特別，有別於一般嘅西餐廳。
晚市套餐包括餐湯、前菜、主菜、甜品，定價 $168-$298，共有六款。
因為我地第一次黎，店員可能見我地冇乜頭緒，主動介紹各款菜式，提供建議，服務相當唔錯
餐湯：磨菇湯
磨菇湯正正常常，都有少少磨菇碎，味道都算香，唔會好鹹。旁邊配嘅麵包比較扁硬，有少少煙韌帶脆。(我地食到張枱好多碎…哈)
磨菇湯
36 views
0 likes
0 comments
前菜：香煎帶子配紅花汁
帶子有兩粒，輕輕煎過，食落新鮮爽口，調味唔會過份，嚐鮮為主。
香煎帶子配紅花汁
26 views
0 likes
0 comments
香煎帶子配紅花汁
22 views
0 likes
0 comments
我地一見到呢款就想點喇，因為見到中東米即刻叮一聲，未試過呀，恰巧店員都推介！
一塊大雞胸，配上摩洛哥香辣醬，賣相唔錯。
摩洛哥香辣醬雞胸配中東米
$198
33 views
0 likes
0 comments
好多人食雞或許都會抗拒雞胸肉，冇雞脾咁滑又怕鞋口，呢份都有少少驚喜
雞胸肉完全唔乾柴，反而口感好嫩，唔似平時食到鞋到痺嘅雞胸，配合摩洛哥醬，特別有風味。雖然話係香辣醬，個人認為就唔辣嘅~
中東米係第一次食咋，比平時嘅米粒較細，而且粒粒分明，幾乾身唔黏，唔講以為係生米。
中間加入少少彩椒，食落酸酸地，幾開胃
中東米
30 views
0 likes
0 comments
西班牙紅酒燴牛尾配麵包 $168
份量不少呀，牛尾足足有四大件。
西班牙紅酒燴牛尾配麵包
$168
28 views
0 likes
0 comments
聞到好香紅酒味，沾上都幾濃，當然濃度唔高，最重要係唔酸！
牛尾都炆得好腍身，有少少筋位，有嚼勁
西班牙紅酒燴牛尾配麵包
$168
22 views
0 likes
0 comments
配上三塊麵包，沾上醬汁，又幾好食喎，兩個人搣下搣下，傾下計，都唔錯。而且基本上都唔會唔飽肚。
甜品：奶凍
甜品選擇左奶凍，普普通通嘅甜品配上有心思嘅畫花，成個心情又唔同
奶凍
29 views
0 likes
0 comments
奶凍細細一粒，唔算好滑，不過不失。
奶凍
31 views
0 likes
0 comments
難得喺福來邨附近有間幾高檔嘅西餐廳都有驚喜呢！
食物幾有水準，而且幾有特色，唔淨止係意粉据扒，裝潢有格調，服務細心，店員不時換碟收拾、加水，對此餐廳印象好好呢，會再回訪。
P.S. 唔知係咪新開業有「即擦即中獎」嘅擦擦卡遊戲，都幾幸運喔，我地擦中左【免費午餐一份】，哈哈，有效期至5月底，即係今個月底前會再黎一次呢！
門面：
環境：
餐牌：套餐、單點：
小食：
Wine list：
Post
